Төрeк мaтбугaтынa күзәтү - Törek matbuğatına küzätü 28.01.2021
28нчe гыйнвaрдa бaсылып чыккaн кaйбeр төрeк гaзeтлaрынa күзәтү / 28nçe ğinwarda basılıp çıqqan qayber törek gazetlarına küzätü
“Watan” gazetı: "İlbaşı Ärdoğan Êlon Mask belän söyläşte"
İlbaşı Räcäp Tayyip Ärdoğan “Tesla ve SpaceX”neñ qoruçısı Êlon Mask belän telefonnan söyläşte. Söyläşü waqıtında Törkiyädäge däwlät häm şäxsi tarmaq oyışmaları belän şirkät arasında ğaläm texnologiyaları belän ber rättän törle ölkälärdä xezmättäşlek turındağı mäs’älälär quzğatıldı.
“Xörriyät” gazetı: "Bötendönya sälamätlek saqlaw oyışmasınnan Törkiyägä maqtaw süzläre"
Bötendönya sälamätlek saqlaw oyışmasınıñ Törkiyä wäkile doktor Batır Bärdıklıçev Törkiyädä başqarılğan vakśinaśiyäläw êşçänlegen maqtadı. Bärdıklıçev: "Bik qısqa waqıt êçendä 1 millionnan kübräk keşe vakśinaśiyälände. Törkiyädä milli vakśinaśiyläw programması häm citeşterüçänlege çınnan da bik köçle häm aktiv qullanıla”, - dip äytte.
“Star” gazetı: "Törek ğalimennän iskitkeç uñış"
Awstriyada “Procomcure Biotech” firması qoruçısı häm yuğarı däräcäle citäkçese, çığışı belän törek bulğan ğalim, professor doktor Kamil Öndär Angliyada xasil bulğan koronavirusnıñ mutaśiyägä duçar bulğan tören bilgeläwçe tiz PCR testın qamilläşterde. Öndär: "(Testlar) 60 belän 90 minut êçendä yomğaqlana. Böten barış özleksez bara. Häm bik arzan, häm dä bik tiz, bu da zur ber östenlek”, - dip äytte.
“Sabah” gazetı: "Törkiyäne üzenä cälep itü üzägenä äyländeräçäk sannar açıqlandı"
İMF Xalıqara valyuta fondınıñ isäpläwlärendä Törkiyä pandemiyanıñ başınnan birle bulğanı kebek bıyıl da üsärgä däwam itäçäk. Kürgän köçle çaralar belän kizügä qaramastan üsüen däwam ittergän Törkiyägä qarata IMFdän kütärenke faraz yasaldı. Fondqa kürä, Törkiyä bıyıl 6%qa üsäçäk. Bu Törkiyäne üzenä cälep itüçe qılaçaq.
“Yäni Şafak” gazetı: "Dön’ya yoldızı imzasın saldı"
“Fänärbahçä” “Arsenal”dan tüläwsez bularaq üzenä küçergän dönyaküläm tanılğan yoldız futbolçı Mäsut Özil öçen imza salu tantanasın oyıştırdı. Tantanada “Fänärbahçä” taqımınıñ formasın kiyüdän bik şat buluın belderüçe Mäsut Özil: "“Fänärbahçä” öçen ber töş ide, minem öçen xıyal ide. İke taraf öçen dä iskitkeç bäyläneş bulaçaq”, - dip äytte.
