Төрeк мaтбугaтынa күзәтү - Törek matbuğatına küzätü 14.01.2021

“Watan” gazetı: "İlbaşı Ärdoğan citkerde: “Cirle häm milli bulğanın qoraçaqbız””

İlbaşı Räcäp Tayyip Ärdoğan Törkiyäneñ cirle häm milli asqormasınıñ köçen telängän däräcägä citkeräçäklärenä ışanuların belderde. Ärdoğan kiçä İlbaşı qolliyätendä Radio häm televideniye jurnalistları cämğiyäteneñ 2019nçı yıl media Oskar büläkläre tantanasında mizgellek xäbärläşü quşımtaları belän bäyle bularaq: "İnşallah, cirlesen, millisen bez dä qoraçaqbız," – dip äytte.

“Sabah” gazetı: "Törkiyä, Paqıstan häm Azärbaycan tışqı êşlär ministrları İslamabadta oçraştı"

Tışqı êşlär ministrı Mäwlüt Çavuşoğlu Paqıstan başqalası İslamabadta oyıştırılğan Törkiyä- Azärbaycan-Paqıstan öç yaqlı tışqı êşlär ministrları cıyılışınnan soñ ütkärelgän urtaq matbuğat oçraşuında çığış yasadu. Yuğarı däräcäle oçraşuda şaqtıy ölkädä bergä êşläw qararına kilülärenä basım yasawçı Çavuşoğlu: "İminlekne, totrıqlılıqnı häm mullıqnı arttıru öçen möhim adımnar yasaw qararına kildek”, - dip äytte.

“Xäbär Türk” gazetı: "Putinnan İlbaşı Ärdoğanğa Qarabax telefonı"

Rusiyä däwlät başlığı Vladimir Putin Mäskäwdä düşämbe könne Tawlı Qarabax mäs’äläsendä Azärbaycan İlbaşı İlham Aliyev häm Ärmänstan Baş ministrı Nikol Paşinyan belän ütkärelgän öç yaqlı cıyılış belän bäyle bularaq İlbaşı Räcäp Tayyip Ärdoğanğa mäğ’lümat birde. Söyläşü waqıtında Törkiyä-Rusiyä mönäsäbätläreneñ köçäytelüenä qağılışlı adımnar quzğatıldı, Tawlı Qarabax mäs’äläsendäge täräqqiyätlär belän utnı tuqtatunıñ kontrole häm küzätelüe belän bäyle Törkiyä-Rusiyä urtaq üzäge turında bäyäläwlär yasaldı.

“Star” gazetı: "Berençe “KoronaVak” vakśinası Sälamätlek saqlaw ministrı Kocağa yasaldı"

Aşığıç qullanu röxsäte birelgännän soñ berençe “KoronaVak” vakśinası başqala Änkaradağı Şähär xastaxanäsendä Sälamätlek saqlaw ministrı Fahrettin Kocağa yasaldı. Koca, härkemneñ motlaq räweştä privivka yasatuınıñ zarurlığın assızıqlap: "Çönki bu xastalıqtan saqlanunıñ iñ möhim yullarınnan berse vakśina. Normal’, êlekke tormışıbızğa qaytu öçen vakśinanı motlaq räweştä yasatuıbız kiräk”, - dip belderde.

“Xörriyät” gazetı: "Ministr Varank: “Noyabr’ ayında sänäğät citeşterüen iñ küp arttırğan illärdän berse buldıq””

Sänäğät häm texnologiya ministrı Mustafa Varank kiçä yasağan açıqlawında, Törkiyäneñ noyabr’ ayında sänäğät citeşterüen iñ küp arttırğan illärdän berse buluın belderep: "Yäşängän böten awırlıqlarğa qaramastan sänäğät citeşterüebez ber yıllıq 11%, ber aylıq isä 1,3%qa artıp, bazar kötelgännärennän kübräk tormışqa aştı. Maqsatıbız – citeşterüdäge şuşı barışnı 2021nçe yılda da däwam itterü,"- dip äytte.