Törek matbuğatına küzätü 13.01.2021
13 nçe ğıynwar könne basılıp çıqqan qayber törek gazetlarına küzätü
”Sabah” gazetı “Ӓrdoğannan ilçelӓr cıyılışında möhim belderülӓr” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň kiçӓ Awrupa Berlege tulı wӓqalӓtle ilçelӓr cıyılışında “Greśiyӓne kiyerenkelekne arttırudan baş tartırğa çaqırabız. Könçığış Urta diňgezne köndӓşlek mӓydanınnan çığarıp ozaq waqıtlı mӓnfӓğӓt’lӓrebezgӓ xezmӓt itӓçӓk xezmӓttӓşlek mӓydanına ӓwerelderergӓ tiyeşbez” dip ӓytüen citkerӓ.
”Xӓbӓr Törek” gazetı “Çavuşoğlunnan Awrupa Berlege belderüe” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň kiçӓ Awrupa Berlege illӓreneň Ӓnkaradağı tulı wӓqalӓtle ilçelӓre belӓn oçraşuında reforma mӓs’ӓlӓsendӓ qatğıy buluların belderep ,“Awrupa Berlege bezgӓ bulışırğa, yaqlaw kürsӓtergӓ tiyeş. Bez kilӓçӓgebezne Awrupada kürӓbez hӓm anı bergӓ tözergӓ telibez” dip ӓytkӓn süzlӓren uquçıları belӓn urtaqlaşa.
”Vatan” gazetı “Milli boralaq dvigatelen uňışlı rӓweştӓ êşlӓttelӓr” isemle xӓbӓrendӓ yazğança, Törkiyӓneň berençe cirle ğomumi maqsatlı boralağı “Göbey”gӓ integraśiyӓlӓnӓçӓk milli boralaq motorı “TEI-TS1400”neň tӓwge prototibı “TS3" tӓn soň "TS4" tӓ dӓ uňışlı rӓweştӓ êşlӓtelde.
”Star” gazetı “Törkiyӓneň Könçığış Urta diňgez töbӓge śitrus êksportında iň alda” isemle xӓbӓrendӓ Törkiyӓneň śitrus cimeşlӓre êksportınıň 71%ı tormışqa aşırılğan Mersin, Hatay hӓm Adanadan uzğan yıl çit illӓrgӓ 661 million 787 meň dollar külӓmendӓ śitrus satıluın belderӓ.
”Xörriyӓt” gazetı “ Başta Hakan Çalhanoğlu, xӓzer isӓ Yosıf Yazıcı” isemle xӓbӓrendӓ törek futbolçılarınıň Awrupadağı uňışları turında yaza. İtaliyada Hakan Çalhanoğlu dekabr’ ayında aynıň futbolçısı bülӓgenӓ iyӓ bulğan ide, xӓzer isӓ Franśiyada uynawçı Yosıf Yazıcı Milli professional’ futbolçılar berlege tarafınnan aynıň futbolçısı nominaśiyӓsenӓ namzӓt itep kürsӓtelde.
