Törek matbuğatına küzätü 12.01.2021

”Xӓbӓr Törek” gazetı “Privivka yasaw pӓnceşӓmbe yӓisӓ comğa könne başlana” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Kovid -19 vakśinası êşlӓp çığaru hӓm citeşterü êşçӓnleklӓren yaqınnan küzӓtep baruları turında ӓytüen citkerӓ. Ӓrdoğan Qıtay vakśinasınıň Törkiyӓgӓ kiterelüen, Germaniya vakśinasın alu öçen kileşülӓren , Rusiya vakśinasın da küzӓtülӓren belderep, Kovid -19 privivkasınıň Törkiyӓdӓ bilgelӓngӓn çiratqa kürӓ pӓnceşӓmbe yӓisӓ comğa könne başlanaçağın citkerde.

”Yaňa Şafak” gazetı “Gresiya belӓn söylӓşülӓrneň köne bilgele buldı” isemle xӓbӓrendӓ yazğança,  Törkiyӓ tışqı êşlӓr ministrlığı Greśiya belӓn al söylӓşülӓrneň 61 nçe turınıň 25 nçe ğıynwarda İstanbulda ütkӓrelӓçӓge turında belderde. Törkiyӓ belӓn Greśiya Ӓgӓy problemaların ike yaqlı ,ğadel, daimi hӓm kiň qırlı çişügӓ nigez ӓzerlӓw maqsatı belӓn al söylӓşülӓrne 2002 nçe yılnıň 12 nçe martında Ӓnkarada başlap cibӓrgӓn ide. Söylӓşülӓrneň 60 nçı turı 2016 nçı yılnıň 1 nçe martında uzdı ,annan soň ul dӓwerdӓge Greśiya xökümӓte tarafınnan tuňdırılğan ide.

”Star” gazetı “Rusiya, Azӓrbaycan hӓm Ӓrmӓnstannan urtaq belderge” isemle xӓbӓrendӓ citkergӓnçӓ, Rusiya, Azӓrbaycan hӓm Ӓrmӓnstan arasında Tawlı Qarabax töbӓgendӓ Ӓrmӓnstannıň basıp alu dӓwerendӓ yabılğan iq’tisad hӓm transport êlemtӓlӓren torğızunı küzdӓ totqan urtaq deklaraśiyӓgӓ qul quyıldı. Deklaraśiyӓdӓ timer yul hӓm avtoyul êlemtӓlӓren tӓêmin itügӓ östenlek birelde. Bu rӓweşle Azӓrbaycan Törkiyӓ bazarına Naxiçevan Cömhüriyӓte aşa kerӓ alaçaq. Törkiyӓ belӓn Rusiya arasında timer yul êlemtӓse dӓ tӓêmin itelӓçӓk.

”Xörriyӓt” gazetı “İstanbul – çit il keşelӓren cӓlep itӓ torğan şӓhӓr” isemle xӓbӓrendӓ beldergӓnçӓ, çit il keşelӓrenӓ küçemsez milek satu şirkӓte “Nevita” milli hӓm xalıqara arenağa investiśiya cӓlep itüe belӓn ayırılıp torğan şӓhӓrlӓrne tupladı. Awrupadağı megapolislar arasında iğ’tibarnı cӓlep itüçe şӓhӓr - İstanbul . Çit il keşelӓre 2019 nçı yılda İstanbulda 20 meň 857, uzğan yılnıň ğıynwar-noyabr’ aylarında ,Kovid -19 pandemiyӓsenӓ qaramastan, 16 meň 867 toraq satıp aldı.

”Sabah” gazetı “Êş dönyası Törkiyӓ iq’tisadına bik ömetle” isemle xӓbӓrendӓ törek êşmӓkӓre Hacı Sabancınıň Törkiyӓneň Kovid-19 barışın bik yaxşı idarӓ itüen, başqa illӓrgӓ küz salğanda monı tağın da yaxşıraq kürülӓren belderüe turında yaza. Ul:” Törkiyӓ mediśina asqorması, xastaxanӓlӓr, sӓlamӓtlek saqlaw xezmӓtkӓrlӓre belӓn bik köçle il, başqa illӓr belӓn çağıştırğanda bik yaxşı xӓldӓ.Xӓzer koronavirusqa qarşı privivka yasaw başlana. Törkiyӓ  - iq’tisadi cӓhӓttӓn köçle potenśialğa iyӓ il”,-dide.