Törek matbuğatına küzätü 08.01.2021
8nçe ğıynvar könne çıqqan qayber törek gazetlarına küzätü
“Star” gazetı Albaniya xökümäte räise Ramanıñ ASELSANğa kilüe turında yaza.
Törkiyä ilbaşı kiñäşçese Fuat Oktay kiçä Albaniya xökümäte başlığı Êdi Rama belän Xärbi êlektronik sänäğat’ şirkäte ASELSANğa bardı. Rama kiläçäktä Albaniyäneñ şähärläre häm yullarında da älege şirkät yasağan texnologiyälärneñ qullanıluın teläwen belderde.
“Vatan” gazetı ministr Soylunıñ “Greśiyä ğayepsez keşelärne ülemgä êtärä, Awrupa qarap tora” digän süzlären alğı planğa çığara.
Törkiyä êçke êşlär ministrı Söläyman Soylu Greśiyäneñ qaçaqlarnı ülemgä duçar itüen, Awrupanıñ isä monı süzsezçä qarap toruın belderde. Ul kiçä Twitter akkauntında Greśiyä yar buyı iminlege köçläreneñ qaçaqlarnı qotqaru urınına, alarnıñ tormışların qurqınıç astına quyıp Törkiyä yağına taba êtülären, soñınnan alarnı törek yar buyı xezmätläre qotqaruın citkerde häm videosın urtaqlaştı.
“Haber Türk” gazetı “Altın çığaru uzğan yıl cömhüriyät tarixınıñ rekordın yasadı” dip yaza.
Törkiyä ênergetika häm tabiğıy baylıqlar ministrı Fatix Dönmäz kiçäge belderüendä Törkiyäneñ altın çığaruınıñ, koronavirus kizüenä qaramastan, yıl axırında 42 tonnağa citüen belderde. İq’tisadqa 2,4 milliard dollarlıq öleş kertelde.
“Yeni Şafak” gazetı “Yaqınça 82 million yulçı oçqıçnı sayladı” dip citkerä.
Törkiyä transport häm infrastruktura ministrlığı mäğ’lümatlarına qarağanda, Törkiyä aêroportlarında 2020nçe yılda xezmät kürsätelgän tulayım yulçı sanı 81 million 657 meñ 70 bularaq terkäde.
“Sabah” gazetı mediśina dön’yasınıñ törek tabiblarnı maqtawın xäbär itä.
Marmara universitetı mediśina fakul’tetı balalar allergiyäse immunologı, professor Äxmät Oğuzxan Özän balalarnı ülemgä kiterüçe Çaplya sindromın däwalaw ısulın uylap taptı. Anıñ bu xaqtağı fänni mäqaläse mediśina dön’yasında zur qızıqsınu uyattı.
