Törek matbuğatına küzätü 06.01.2020
6 nçı ğıynwar könne basılıp çıqqan qayber törek gazetlarına küzätü
“Sabah” gazetı ”Cirle vakśina söyeneçe” isemle xӓbӓrendӓ Törkiyӓ sӓlamӓtlek saqlaw ministrı Fahrettin Kocanıň koronavirusqa qarşı cirle vakśina êşçӓnleklӓreneň dӓwam itüe ,3 aktiv bulmağan vakśinanıň keşelӓrdӓ sınap qaraw êtabına kilep citüe turında ӓytüen belderӓ. Ministr “İlebezneň fӓnni hӓm texnik asqorması , ğalimnӓrebezneň tüzemlege hӓm tırışlığı bezgӓ iň yaxşı vakśinalar kiterer dip ışanam” dide.
”Vatan” gazetı “Bez Greśiya belӓn dialog yaqlı” isemle xӓbӓrendӓ Törkiyӓ saqlanu ministrı Hulusi Akarnıň Törkiyӓneň Könçığış Urta diňgezdӓge sӓyӓsӓteneň açıq buluın belderep ,”Bez xalıqara xoquq yaqlı.Xalıqara xoquq hӓm ike yaqlı kileşülӓrneň ütӓlüen telibez.Bu yaqtan yaxşı kürşelek mönӓsӓbӓtlӓrenӓ zur ӓhӓmiyt birӓbez. Bez barlıq problemalarnı söylӓşülӓr aşa çişӓrgӓ kirӓk dip sanıybız” dip ӓytüen citkerӓ.
”Star” gazetı “Diňgez qanatlı raketası “Atmaca” wazıyfasına ӓzer” isemle xӓbӓrendӓ Törkiyӓneň tӓwge diňgez qanatlı raketası “Atmaca”nıň qatlawlı sınawlar aşa uzıp wazıyfasına kereşü öçen ӓzer buluı turında yaza. Ul tӓwge tapqır 2019 nçı yılda İstanbulda 14 nçe Xalıqara saqlanu sӓnӓğӓte yӓrminkӓsendӓ kürsӓtelgӓn ide.
”Yaňa Şafak” gazetı “Törek ğaskӓrlӓre 1 yıl buyı Liviyӓdӓ” isemle yazmasında yazğança, Liviyӓneň BMO qaramağında legal milli kileşü xökümӓte belӓn 2019 nçı yılnıň 27 nçe noyabrendӓ tözelgӓn Diňgez wӓqalӓt mӓydannarı hӓm Xӓrbi belem birü, xezmӓttӓşlek ,kiňӓşlӓşü kileşülӓreneň uzğan yıl 2 nçe ğıynwarda Törkiyӓ Böyek Millӓt Mӓclesendӓ qabul itelüennӓn soň 8 nçe ğıynwarda törek ğaskӓrlӓre Liviyӓgӓ kitte. Törek ğaskӓre biredӓ 4 meňnӓn kübrӓk Liviya ğaskӓrenӓ belem birde.
”Xörriyӓt” gazetı “Bötenönya bankı Törkiyӓneň üseş kürsӓtkeçlӓren kütӓrde” isemle xӓbӓrendӓ Bötendönya bankı Törkiyӓ iq’tisadınıň 2021 nçe yılda 4,5%qa, 2022 nçe yılda 5%qa üsӓçӓgen farazlıy dip yaza.
