Törek matbuğatına küzätü 05.06.2014

“Star”gazetı “4 nçe törki şura oçraşuı” isemle xäbärendä Azärbaycan, Qırğızstan, Qazaqstan, Törekmänstan ilbaşlarınıñ Törkiyädä oçraşuı turında yaza.

Törkiyä ilbaşı Abdullah Gülneñ yuğarı däräcäle oçraşu qısasında liderlar belän ike yaqlı söyläşülär ütkärüen belderüçe gazet , Törkiyä ilbaşınıñ qunaqlar öçen kiçke aş mäclese oyıştıruın belderä.

“Akşam”gazetı Törkiyäneñ YUNESKOnıñ matdi bulmağan mädäni miras xökümätlär arası komitetına saylanuın xäbär itä.

Gazet bu xaqtağı belderüne Törki telle illär xezmättäşlege şurasınıñ 4 nçe yuğarı däräcäle oçraşuında çığış yasawçı Törkiyä tışqı eşlär ministrı Äxmät Dawıtoğlunıñ yasawın belderä.

“Vatan”gazetı “Tuqıma yärminkäse Premiere Vision İstanbulda” isemle xäbärendä Parijda 1973 nçe yıldan birle ütkärelüçe dönyaküläm tanılğan tuqıma yärminkäse “Premiere Vision”nıñ monnan soñ İstanbulda da yılda ike tapqır ütkäreläçägen citkerä.

Gazet “Premiere Vision İstanbul”nıñ berençe tapqır ağımdağı yılnıñ 29-31 nçe oktyabr könnärendä uzaçağın belderä.

“Sabah” gazetı “Transport arendalaw köymäse Törkiyädä” isemle xäbärendä dönyanıñ iñ zur transport arendalaw şirkäte “Enterprise”neñ Törkiyägä kilüen xäbär itä.

Gazet 1 million 400 meñ transport çarası bulğan şirkätneñ Törkiyädä ber şäxsi firma belän eşçänlek başqaraçağın citkerä.

“Sabah”gazetı “Ekologiya mäs’äläse dönya kön tärtibendä” isemle xäbärendä 5 nçe iyün-Xalıqara moxitne saqlaw köne uñayınnan küp kenä ildäge kebek Törkiyädä dä ekologiya mäs’äläsenä iğtibarnı yünältü öçen möhim eşçänleklär başqarıluı turında yaza.

Gazet moxitne saqlaw problemalarııñ kön tärtibendäge möhim mäs’älälär arasında urın aluın belderä.

Xäbärdä Törkiyädä soñğı 12 yılda 3 million 691 meñ gektar mäydanda urmannarnı kiñäytü eşçänlege qısasında 2 miliard 711 milion ağaç utırtıluına basım yasala.