Törek matbuğatına küzätü 04.06.2014

“Xörriyät” gazetı “Qardäş oçraşuı” isemle xäbärendä Törkiyä ilbaşı Abdullah Gülneñ Änkarağa kilgän Törekmänstan däwlät başlığı Gurbanguli Berdimuxamedov häm Qırğızstan ilbaşı Almazbäk Atambayevnı qabul itüe turında yaza.

Gazet Gül häm Atambayevnıñ üzara küreşep söyläşkännän soñ premyer-ministr urınbasarı Ali Babacan häm tışqı eşlär ministrı Äxmät Dawıtoğlu belän bergä töşke aş aşawın belderä.

Xäbärdä Abdullah Gülneñ soñraq Törekmänstan däwlät başlığı Berdimuxamedov belän küreşüe anıñ xörmätenä kiçke aş mäclese oyıştıruı äytelä.

Gazet Gurbanguli Berdimuxamedovnıñ Törkiyä ilbaşına xalıqara Mahtumkulu Firaki ordenı tapşıruın citkerä.

“Akşam”gazetı “Änkarada diplomatiya xäräkäte” isemle xäbärendä Törkiyäneñ här kön diyärlek xalıqara qunaq qabul itüen belderä.
Xäbärdä kiçä 7 il häm xalıqara oyışmadan yuğarı däräcäle zatlarnıñ Törkiyädä oçraşularda qatnaşuı citkerelä.

“Yeni Şafak”gazetı ”Qılanu” isemle xäbärendä Berläşkän Millätlär Oyışması häm könbatış illäreneñ Süriyädä uzğan däwlät başlığı saylawın qılanu bularaq bäyäläwen häm ildä 3 yıldan kübräk däwam itkän krizisnı çişä almayaçağı turında belderüen xäbär itä.

Xäbärdä NATO ğomum särqätibe Andres Fogh Rasmussenneñ saylawnıñ xalıqara standartlarğa turı kilmäwe , saylawnıñ irekle, ğadel bulmawı, berlektäşlärneñ saylaw näticäsen tanımayaçağı turındağı süzläre dä urın ala.

“Sabah”gazetı”102 ildän 7 meñ eşmäkär kilä” isemle xäbärendä Möstäqil sänäğätçe häm eşmäkärlär cämğiyäte 2 yılda ber ütkärüçe Xalıqara säwdä häm eş forumında bıyıl 102 ildän 7 meñ eşmäkär qatnaşaçağı turında yaza.

“Milliyet”gazetı “Törek hawa yulları Monrealgä säfärlären başlattı” isemle xäbärendä Törek hawa yullarınıñ (THY) Tönyaq Amerikadağı 10 nçı oçış punktınıñ Kanadanıñ Monreal qalası buluın xäbär itä.

Xäbärdä Monrealgä sişämbe, comğa häm yäkşämbe könnäre bulu belän bergä atnada 3 kön ike yaqlı säfärlär başqarılaçağı citkerelä.