Törek matbuğatına küzätü 03.06.2014

“Star”gazetı “Fälästindä tarixi kileşü” isemle xäbärendä Hamas belän Äl Fätih oyışmalarınıñ kileşü tä’min itüe näticäsendä milli berlek xökümäteneñ räsmi räweştä qorıluı turında yaza.
Gazet milli berlek xökümäte ministrlarınıñ Ramallahta däwlät başlığı Mahmud Abbas qarşında ant itüen belderä.
Gazet Ğazzädäge elekke Fälästin xökümäteneñ premyer-ministrı İsmail Haniyäneñ berençe eşeneñ Ğazzäne tözekländerü häm blokadanı beterü buluın belderep , Ğazzägä yaqlaw kürsätkän öçen Törkiyä, Katar , Misır häm başqa illärgä räxmät äytüen citkerä.
“Yäni Şafak”gazetı “Moldova häm Belarusqa vizasız säyäxät” isemle xäbärendä Törkiyäneñ kileşülar tözü näticäsendä vizasız säyäxät itärgä mömkin bulğan illär sanın arttıruın xäbär itä.
Gazet ike yaqlı kileşülärgä qul quyğannan soñ Belarus häm Moldovağa da vizanıñ beterelüen belderä.
Xäbärdä älege kileşülärneñ illär arası xezmättäşlekneñ möhim simvolı buluına basım yasala.
“Akşam”gazetı Anadolu eşmäkärläre cämğiyäteneñ çaqıruı buyınça Törkiyägä kilgän “Stratfor”nıñ qoruçısı George Friedmannıñ “Kiläse 100 yıl” isemle kitabında Törkiyäneñ regional köç bulaçağı turında äytüen belderä.
Gazet Friedmannıñ Törkiyäneñ üseş belän bergä ildä häm çit illärdäge säyäsi ölgergänlege ,töbäktä xärbi köçen arttıruınıñ da ähämiyätenä basım yasawın citkerä.
Xäbärdä xäzerge waqıtta Törkiyäneñ Awrupanın iñ dinamikalı iqtisadı buluın belderüçe Friedmannıñ “ Ğayät balanslı iqtisadığız bar”dip äytkän süzläre dä urın ala.
“Xäbär Türk”gazetı irtägä -4 nçe iyündä Bodrumda ütkäreläçäk Törki telle illär cıyılışında qatnaşaçaq illärneñ yuğarı däräcäle byurokratlarınıñ 2 lyuks köyma belän säyäxät itüen belderä.
Gazet qayber diplomatlarnıñ yalların Bodrum häm Gökovada ütkäräçäklären citkerä.
“Yäni Şafak”gazetı Törkiyä diyänät eşläre räislegeneñ 2013 nçe yılda 779 keşeneñ İslamğa küçüen açıqlawın xäbär itä.
Gazet mäğlümatlardan kürengänçä, iñ küp xatın-qızlarnıñ möselman buluın citkerä.