Törek matbuğatına küzätü 31.05.2014

“Yeni Şafak”gazetı Törkiyä nefte korporatsiyäseneñ Frantsiyäneñ “Total” energiya şirkäteneñ Şah diñgez proyektındağı 10% külämendäge payın alıp aktsiyäsen 19% qa citkerü turındağı kileşügä qul quyuı turında yaza.

Xäbärdän kürengänçä, premyer-ministr Räcäp Tayyip Ärdoğan Törkiyäneñ Şah diñgez tabiği gaz citeşterü mäydanı häm Trans Anadıolu tabiği gaz ütkärgeçe proyektına(TANAP) partnerlığınıñ arttırıluı turındağı kileşüdä urın alğan xosuslardan ayıruça ikeseneñ Törkiyä häm şirkätlär cähätennän zur ähämiyätkä iyä buluın belderde.

Ärdoğan :”Bolardan berençese- BOTAŞnıñ TANAP ütkärgeçendä 20% bulğan payın 30%qa citkerüe. İkençese-Törkiyä nefte korporatsiyäseneñ Şah diñgez mäydanındağı payınıñ 9%tan 19%qa citkerelüe”,-dide.

“Vatan”gazetı “Aq Yort süzçese wazifasınnan kitte” isemle xäbärendä Amerika Quşma Ştatları Aq Yort süzçese Jay Carneyneñ wazifasınnan kitüen xäbär itä.

Xäbärdä älege qararnı Amerika Quşma Ştatları ilbaşı Barack Obamanıñ citkerüe, fäqät syurpriz waqiğanıñ neçkälekläre turında mäğlümat birelmäwe äytelä.

“Star”gazetı “Parlamenttan şaxterlarnı söyenderüçe adım” isemle xäbärendä şaxterlar belän bäyle reformalarnı üz eçenä aluçı qanun proyektınıñ Törkiyä Böyek Millät Mäclesenä kilüe turında yaza.

Xäbärdä alege proyektta şaxterlarnıñ eşläw, yal itü, xezmät xaqı, stajları , layıqlı yağla kitü yäşläre , sotsial xoquqları häm başqa xaqlarınıñ yañadan qaraluı belderelä.

“Hürriyet”gazetı “Divarlarnı yalaw tıyılğan” isemle xäbärendä Boliviyada dönyanıñ berençe toz qunaqxanäse tözelüen xäbär itä.

Gazet tozdan tözelgän qunaqxanägä zur qızıqsınu kürsätelüen , qunaqxanädä divarlarnı yalawnıñ tıyluın belderä.