Törek matbuğatına küzätü 29.05.2014

“Star” gazetı “Ärmänstan 2 azärbaycan xärbiyen şähit itte” dip atalğan yazmasında Azärbaycan-Ärmänstan çigendä Ärmänstan xärbiläre açqan ut näticäsendä 2 azärbaycan ğäskäriyeneñ häläq buluın, 1 ğäskärineñ isä awır yaralanuın xäbär itä.

“Akşam” gazetı “Berläşkän Millätlär Oyışması “İstanbul” dide” isemle yazmasında İstanbul şähär xakimiyäte başlığı Kadir Topbaşnıñ New-Yorkta Berläşkän Millätlär Oyışması Ğomum särkätibe Ban Ki-Moon belän ütkärgän oçraşuı yaqtırtıla häm 2016 Dönya humanitar yärdäm sammitınıñ İstanbulda uzdırılaçağı qararına kilenüen yaza.

“Star” gazetı “Kuveyt belän vizalar beterelde” dip atalğan yazmasında Törkiyädän Kuveytqa säyäxätneñ vizasız bulaçağın belderä.

“Yäni Şafak” gazetı “Törek hawa yullarınıñ çit il CIPse Mäskäwdä” isemle yazmasında Törek hawa yullarınıñ çit ildäge berençe CIP yulçı zalın Rusiyä Federatsiyäse başqalası Mäskäwdä açuın citkerä.

“Sabah” gazetı “İstanbul kiñlegendä qıyu paraşyutçılar” isemle yazmasında “ProBASE World Cup-2014”neñ berençe öleşeneñ İstanbulda çärşämbe könne başlawın yaza. Gazet 18 ildän 8e xatın-qız cämğise 65 paraşyutçınıñ Awrupanıñ iñ biyek binası “İstanbul Sapphire”dä 236 metrdan sikerüen belderä häm yarışnıñ monnan soñğı öleşläreneñ Norvegiya, Şveytsariya häm Törkiyädä Ärzincan Kemaliyä bulaçağın assızıqlıy.

“Habärtürk” gazetı “Sabancı – iñ köçle 60nçı xatın-qız buldı” isemle yazmasında “Sabancı Holding” idarä şurası başlığı Gülär Sabancınıñ “Forbes” jurnalınıñ 2014nçe yılnıñ iñ köçle xatın-qızları isemlegendä 60nçı urında toruın belderä. Gazet isemlekneñ berençe urınında uzğan yılda bulğanı kebek Germaniya kantslerı Angela Merkel buluın yaza.