Törek matbuğatına küzätü 27.05.201

“Yäni Şafak” gazetı Awrupa Berlegenä äğza bulğan 28 ildä uzğan parlament saylawlarında İslamğa qarşı çığuçılar, berlekkä qarşı bulğan uňçı häm sul yaqlı partiyalärneň üz ezen qaldıruın yaza.

Gazet iqtisadi krizisnı atlatmıyça säyäsi qaqşaw barlıqqa kilgän Awrupa Berlegeneň rasaçılıq belän oçraşuın citkerä.

“Sabah” gazetı “İzraille komandirlarğa qulğa alu qararı” isemle xäbärendä Mavi Marmara däğwasında mäxkämäneň aralarında İzrail ğomüm ştab başlığı da bulğan 4 komandirnı utırışta qatnaşmağannarı öçen qulğa alu qararın qabul itüen belderä.

Gazet mäxkämäneň ğayeplänüçelärgä qızıl byulleten çığaruın xäbär itä.

“Milliyät” gazetı Törkiyäneň bıyıl turizm sezonın irtä açuın yaza.

Gazet kilüçe turist sanınıň 2013nçe yılnıň berençe 4 ayı belän çağıştırğanda 5%ka artuın citkerä.

Gazet ğinwar-aprel çorında Törkiyägä 7 million turistnıň kilüen belderep, 2013nçe yılda 35 million çit il turistınıň Törkiyägä säfär yasawın açıqlıy.

Xäbärdä berençe 4 ayda kilgän turistlar arasında iň küp nemetslarnıň buluı urın ala.

“Xörriyät” gazetı “Bal citeşterüdä dönyada ikençe urında bez” isemle xäbärendä Törkiyädä bal qortı citeşterüçelär üzäge berlege başlığı Bahri Yılmaznıň açıqlawların uquçıları belän urtaqlaşa.
Gazet Yılmaznıň Törkiyäneň bal citeşterü buyınça dönyada ikençe urında buluın äytüen citkerä.

Gazet Törkiyädä tsitrustan mamıqqa, kömbağıştan ciläk-cimeş çäçäklärenä, tim’yan quağınnan, narat häm kaştanğa qadär balnıň härtörleseneň citeşterelüenä basım yasağan Bahri Yılmaznıň bu törlelekneň Awrupa qitğasında da kürelmäwen äytüen yaza.

Xäbärdä Törkiyädä yılda urtaçaq 94 meň tonna balnıň citeşterelüe urın ala.

“Sabah” gazetınıň iqtisad säxifäsendä urnaşqan “Üzäklär xezmättäşlek başqarsın” isemle xäbärendä AQŞ Üzäk bankınıň protsentnı qayçan arttıraçağı bäxäsläşelgän waqıtta Xalıqara valyuta fondı başlığı Christine Lagardenıň xezmättäşlekkä çaqıruı belderelä.

Gazet Portugaliyada oyıştırılğan Awrupa Üzäk banko konferentsiyasendä çığış yasağan Lagardenıň: “Bu mäs’älädä qayberläre kiresençä uylağanw aqıtta qayberäwläre protsent arttırunı xuplıy. Awır waqıtlarda xezmättäşlek yärdäm itäçäk,” – digän süzlären uquçıları belän urtaqlaşa.

“Akşam” gazetı “Dönya yoldızı Somanı onıtmadı” isemle xäbärendä Amerikan pop cırçısı Justin Timberlakenıň İstanbulda quyğan kontsertında Somanı iskä aluın yaza.

Gazet Timberlakenıň 301 şaxter istälegenä “Until the end of time” isemle cırın başqarğan waqıtta: “Älege cır Somada ğomere özelgännär istälegenä,” – digän süzläreneň keşelärne dulqınladıruın citkerä.