Törek matbuğatına küzätü 10.05.2014

 “Sabah”gazetı “Awrupa Berlege äğzalıqqa strategik yaqtan çığıp qararğa tiyeş” isemle xäbärendä Törkiyä premyer-ministrı Räcäp Tayyip Ärdoğannıñ Törkiyäneñ Berlekkä äğzalığınıñ Awrupa Berlegen tağın da köçle qılaçağı turında äytüen citkerä.
Gazet Ärdoğannıñ bu xaqtağı “Awrupa Berlege mäs’älägä strategik yaqtan çığıp qararğa häm ozın möddätle mänfäğätlär qısasında bäyä birergä tiyeş” dip äytkän süzlären uquçıları belän urtaqlaşa.
“Hürriyet”gazetı Süriyädä yärdäm materialı taşuçı Keşe xoquqları häm xörriyätläre humanitar yärdäm waqıfı yök maşinalarına höcüm yasaluın xäbär itä.
Gazet ike yök maşinasına rejim oçqıçlarınıñ höcüm oyıştıruın belderä.
Xäbärdä şulay uq Törkiyä tışqı eşlär ministrı Äxmät Dawıtoğlunıñ kiçä Änkarada başlanğan Süriyä Törekmän ğomum şurasında qırıs belderülär yasawı citkerelä.
Xäbärdä Dawıtoğlunıñ Süriyä xalqınıñ härwaqıt yanında bulaçaqlarına basım yasawı assızıqlana.
“Hürriyet”gazetı “11 meñ ğaskär Qızıl mäydanda” isemle xäbärendä Cinü köneneñ Rusiya Federatsiyäse başqalası Mäskawdä tantanalı räweştä qotlanuı turında yaza.
Xäbärdä Qızıl maydandağı qotlaw tantanalarında yaqınça 11 meñ ğaskär qatnaşuı belderelä.
“Zaman”gazetı “Qırımda ciñüen qotladı” isemle xäbärendä mart ayında Qırımnıñ Rusiyägä quşıluınnan soñ Rusiya Federatsiyäse däwlät başlığı Vladimir Purtinnıñ töbäkkä berençe tapqır säfär yasawın citkerä.
Xäbärdä Ciñü könenä turı kiterelgän säfärne Kiyevneñ ğayepläwe belderelä.
Xäbärdän kürengänçä, NATO da älege säfärne yaraqsız dip bäyäli.
“Zaman”gazetı İstanbul mädäniyat sänğät waqıfı tarafınnan oyıştırılğan 19 nçı İstanbul teatr festivaleneñ kiçä kiçen başlanuın xäbär itä.
Gazet festivalneñ “Närsä genä eşläsäk tä yaramadı” isemle äsär belän başlanıp kitüen, 5 nçe iyüngä qadär däwam itäçäk festivaldä çit illärdän 7, Törkiyädän 33 teatr häm biyüdän torğan 100 gä yaqın çığış täqdim iteläçägen belderä.
“Hürriyet”gazetı bıyılğı 59 nçı Yevrovideniye cır bäygesendä 37 il qatnaşında ikençe yarım finalnıñ uzuı turında yaza.
Gazet bügenge final kiçäsendä 20 il wäkilläreneñ çığış yasayaçağın citkerä.