Бу көннe нәрсәләр булгaн? / Bu könne närsälär bulğan?

Bügen 2020 nçe yılnıñ 17 nçe dekabre. Bu kön tarixqa nindi waqıyğalar belän kerep qalğan soñ?

1273 nçe yılnıñ 17 nçe dekabrendä tanılğan fiker iyäse,şağıyr’, sufıylıqnıñ aldınğı wäkillärennän Mäwlana Cäläletdin Rumi Konyada mäñgelekkä küzlären yoma. Anıñ ülemne qawışu waqıtı bularaq qabul itüe säbäbe belän ülem köne  “Şäb- i Arus” yäğ’ni Tuy kiçäse dip yörtelä.

 1760 nçı yılnıñ älege könendä 1479 nçı yılda äzerlänüe bilgelängän Aśtek kalendare Mexikoda tabıla. 25 tonna awırlığındağı taşqa basılğan kalendar’ ber Qoyaş yılın 365 köngä bülü säbäple arxeologiya ölkäsendä zur ähämiyätkä iyä.

1903 nçe yılnıñ 17 nçe dekabrendӓ Rayt bertuğannar täwge motorlı oçqıçnı Amerika Quşma Ştatlarınıñ Tön’yaq Karolina ştatında oçıra. 12 sekund däwam itkän oçışta 37 metr yul uzıla. Şul uq könne ütkärelgän soñğı sınap qarawda 59 sekund hawada qalğan oçqıç 280 metr oça.

1980 nçe yılnıñ bu könendä Törkiyäneñ Sidneydağı baş konsulı Şarık Arıyak häm saqçı poliśiya xezmätkäre Êngin Severne ärmän terror oyışması “ASALA” terrorçıları şähit itӓ.