“Alar taş östendä taş qaldırmıylar, balalarnı üterälär”
Ukrainanıñ Mariupol qalasında Rusiyäneñ bombalawınnan saqlanu öçen mäçetkä sıyınuçılar da aralarında bulğan törek watandaşlarınnan torğan berençe törkem Törkiyägä kilde
Törkiyä Tışqı êşlär ministrlığı şähärdän êvakuaśiyälägän törek watandaşları Ädirnädäge çik buyı qapqasınnan Törkiyägä qayta başladı.
Aralarında Mariupoldän êvakuaśiyälängän 40 keşene dä alıp kitergän avtobus Kapıkulä çik buyı qapqasına kilde. Biredän törek watandaşları İstanbulğa xäräkät itte.
Ukrainanıñ Mariupol' şähärendä yäşägän häm Rusiyä bombalawı waqıtında Kanuni Soltan Söläyman mäçetenä sıyınuçılar arasındağı Kemal Aqbulut häm Mirza İmam Aliyıv ta berençe törkem belän Törkiyägä kilde.
Aqbulut Mariupol'dä suğış arqasında böten cirneñ bombalanuın, "cähännämneñ urtasınnan” çığıp Törkiyägä kilülären belderde.
Mariupol'däge mäçetkä sıyınuçılar arasında barı tik töreklär genä tügel, Ukraina, Azärbaycan, Moldova watandaşlarınıñ da buluın añlatuçı Aqbulut härkemneñ anda ber-bersenä bik yärdäm itüen äytte.
Azärbaycan watandaşı Mirza İmam Aliyıv isä êşläw öçen Ukrainağa kitüen, urıslar Mariupolne bombalıy başlaw belän härkemneñ Allahnıñ yortı mäçetkä sıyınuın häm bombalawdan isän qaluın añlatıp:
"Alar taş östendä taş qaldırmıylar, balalarnı üterälär. Bala tabu yortın bombaladılar. Alar xätta mäçet yanına bomba ırğıttılar. Bez mäçettä küp idek. Alar da êvakuaśiyälände. Allah törek däwlätenä yärdäm itsen, köçle qılsın. Törek däwläte ayırımlılıq yasamıyça böten millätlärgä yärdäm itte. Allah anda qaluçılarğa da yärdäm itsen”, - dide.
Rusiyä xärbiläre 24nçe fevral’dä Ukrainağa höcüm başlatqan ide.
Bäyläneşle xäbärlär
19 may - Atatörekne iskä alu, yäş'lär häm sport bäyräme
Bu bäyräm Törkiyä Cömhüriyäte häm Tönyaq Kipr Törek Cömhüriyäteneñ milli bäyrämeder
