Xatirälär: Änkaradağı tatar cämğıyäteneñ 50 yıllığı (2015nçe yıl)

2015nçe yılnıñ 7nçe noyabr’ könne Änkarada urnaşqan Qazan mädäniyät häm yärdämläşü cämğıyäte 50 yıllığın qotlağan ide

1760332
Xatirälär: Änkaradağı tatar cämğıyäteneñ 50 yıllığı (2015nçe yıl)

Cämğıyätkä nigez salğan märxüm millättäşlärebez ber minutlıq tınlıq belän iskä alınğan kiçädä cämğiyät xorı Törkiyä gimnın häm Tuqaynıñ “Tuğan tel” cırın başqarğan, akkordeonda tabib Ğayaz Aqçura, skripkada Ziya Däwlätşah uynağan ide.

Änkara, İstanbul, İzmir, Antaliya, Törkiyäneñ başqa şähärlärennän häm Amerika Quşma Ştatları, Kanada, Awstraliya, Finlandiya, Yaponiya kebek başqa illärdän dä qunaqlar kilgän kiçädä Törkiyädä ğomer itüçe tanılğan tatar ğalime Nadir Däwlät, Tatarstannıñ Törkiyädäge wäkile Aydar Ğaşiğullin belän bergä Qazannan Bötendönya tatar kongressı räise urınbasarı Mars Tuqay belän Tälğät Bari, jurnalist Fäniyä Xuciäxmät, bayançı Rinat Wäliyev häm cırçı Çulpan Äxmätcanova qatnaşqan ide.

2015nçe yılda Tatarstannıñ Törkiyädäge tulı wäqälätle wäkile wazıyfasın başqarğan Aydar Ğaşiğullin Tatarstan İlbaşı Röstäm Miñnexanovnıñ täbrikläw xatın uqığan ide.

Änkaradağı tatar cämğıyäteneñ berençe räise Räşit Aygüngä büläk tapşırılğan kiçädä Bötendönya tatar kongressı wäkilläre Kongress başlığı Rinat Zakirovnıñ täbrik xatın citkergännär ide.

Tatar cämğıyäte yäşläre tatar biyülären başqarğan kiçädä çäkçäklär häm pärämäçlär dä täq’dim itelgän ide.

2015nçe yıldağı tatar kiçäsen, qabat xäterläp häm kiçädä qatnaşqan millättäşlärebezne iskä töşerep, videoyazmadan qarıy alasız.

 

 
 
 
 
 
 
 
 


Bäyläneşle xäbärlär