"Tarixtan säyäsät qoralı yasıylar"

Törkiyä ärmännäre patriarxı Saak Maşalyan 1915nçe yılğı waqıyğalar turında belderü yasadı

1628049
"Tarixtan säyäsät qoralı yasıylar"

“Xalqıbıznıñ ärnüe häm ata-babalarıbıznıñ izge xatiräseneñ qayber illärdä köndälek säyäsi maqsatlarğa azıq buluın kürü bezneñ küñelne kitä".

Törkiyä ärmännäre patriarxı Saak Maşalyan 1915nçe yılğı waqıyğalar turında belderü yasadı. Ul tarixnıñ säyäsät qoralı buluınıñ ike xalıqnıñ yaqınayuına yärdäm itmäwen, kiresençä, doşmannarça xislär uyatuın äytte. "Başta duslıq häm samimilek küperläre tözelergä tiyeş, barı şul waqıtta tarixi waqıyğalarnıñ küzdän ütkärelüe tağın da konstruktiv häm qanäğat'ländererlek bulaçaq,"-dide patriarx.

Maşalyannıñ kön üzägendä ilbaşı Ärdoğan täq'dim itkän, tik Ärmänstan qabul itmägän 1915nçe yılğı waqıyğalarnı tikşerü öçen urtaq tarixi komissiyä tözü kiñäşe dä bar ide...

"Ägär ul komissiyä oyıştırılsa, kimendä 15 yıllıq yul ütelgän bulır ide."

Patriarx Maşalyan Kavkazda 6 däwlätle tınıçlıq basseynı proyektına da tuqtaldı. "Xörmätle ilbaşı Kavkaz öçen täq'dim itkän 6 däwlätle tınıçlıq basseynı proyektı bu regiondağı xalıqlarğa 100 yılnıñ solıxın kiterergä mömkin".

Cämäğat'çelek belän êlemtä idaräse başlığı Fäxretdin Altun Maşalyanğa sośial' media aşa räxmät citkerde.

Altun: "Bu cirlärdä solıx häm xozur êçendä tuğannarça yäşäwne däwam itäbez. Bez bergä - Törkiyä bulabız,"- dide.

Ärmän waqıfları berlege başlığı Bedros Şirinoğlu da bu turıda belderü yasadı. "İke xalıq arasında bulğan qayber açı häm ärnetüçe waqıyğalarnıñ säyäsätçelär tarafınnan qullanıluın xuplamıybız,"-dide ul.

"Mäs'älägä säyäsi säbäplär belän tıqşınuçılar -AQŞ, Awrupa Berlege häm qayber başqa illärne yaxşı niyättän yıraq dip sanıym".

İlbaşı süzçese İbrahim Kalın da sośial' mediada Bedros Şirinoğlunıñ 1915nçe yılğı waqıyğalar turındağı belderüen urtaqlaştı.

Kalın: "Tarixnı tar säyäsi könüzäk öçen qullanu ütkängä dä, bügengä dä yärdäm itmi. Berkemneñ dä urtaq ärnü häm tarixıbıznı manipulyaśiyäläwenä yul quymayaçaqbız,"-dide.



Bäyläneşle xäbärlär