Törek milläte sin nindi böyek millätseñ

15 nçe iyül’däge tüntäreleş kereşüennän başlap bügenge köngä qadär tarix yazuçı törek milläte İstanbul Yänikapıdağı “Demokratiya häm şähitlär” mitingı belän tağın ber dastan yazdı.

Bu xalıqnı 3 atna elek bombaladılar.

Ğaskär qıyäfätenä kergän xainnarnıñ höcümnärendä 240 keşe şähit buldı.

3 atna elek törek xalqınıñ bäysezlegenä höcüm yasaldı, cirlären basıp alırğa telädelär.

Bu xalıq Törkiyä Böyek Millät Mäclesen cimerep yabu, ilbaşın üterü, çik buyuları qabat bilgeläw öçen äzerlängän sŝenariynı yuqqa çığardı.

Östäwenä 22 kön buyı tönnären uramnarda demokratiya näwbäten däwam itterde.

Häm nihayät 23 nçe köndä İstanbulda ilbaşı Räcäp Tayyip Ärdoğannıñ çaqıruı belän bu xalıq qulına Törkiyä bayrağı totıp ,ber sulış, ber tawış bulıp mitingqa cıyıldı.

Törkiyä xalqı 15 nçe iyül’ tönendä saqlap qalğan demokratiyäsen,cömhüriyätneñ ciñüen İstanbul Yänikapıda ülemsezlek belän izgeläşterde.

Şulay uq Diyarbakırdan, Ädirnägä, Antalyadan Sinopqa qadär uramnarğa çığıp “Törkiyä bülenmäs”şiğaren Pensilvanyadağı ul xainğa häm ul “yılan”ğa yärdäm itüçelärgä citkerde.

Süriyädän, Äfganstannan,Ğiraqtan kilep Törkiyägä sıyınğan, Watan söyüen biredä tatqan yöz meñnärçä keşene dä üze belän iyärtte.

Böyek törek milläte sin nindi olı millätseñ.

Sin dustıñda ışanıç tudırasıñ, doşmanıñğa qurqu salasıñ.

”Bäysezlek marşı”ñ belän barlıq şähitlärne iskä alasıñ,bayrağıñ belän bäysezlegeñne mäñgeläşteräseñ.

Nindi iman bu üterelergä telängändä qabat tua, tez çükterergä telängändä tağın da ilhamlanasıñ.