10 minut êçendä 1 meñ qıstıbıy
Qazanda uzaçaq gastrofestival’dä rekord quyarğa äzerlänälär
1882770
Şimbä könne Tatarstan başqalası Qazannıñ Aqqoş külendäge mäydanda gastrofestival’ uzaçaq. “Şähri Qazan” gazetı yazğança, anda 10 minut êçendä 1 meñ qıstıbıy peşerep rekord quyarğa cıyınalar. Älege çara bıyıl inde ikençe tapqır ütkärelä. Cäygesenä 18 meñ keşe kilgän bulğan. Şähär xakimiyäte uñışlı uzğan festival’ne közge çorda da qabatlarğa qarar qıla.
Çarada üzmäşğul’lär citeştergän tovarlardan kürgäzmä, şulay uq fermer xucalıqları mäydançığı da oyıştırıla. Festival’gä kilüçelär “şef-peşekçelär” köräşen dä kürä alaçaq.
Çarada mädäni programma da qaralğan. Anda icadi kollektivlar çığış yasayaçaq.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk