Tatarstan xäbärläre 19/2024
Tatarstan häm tatar dönyasındağı qayber waqıyğalarğa qısqaça küzätü
Tatarstan Räise belän Törkiyä ministrı fiker alıştı
“Tatarstan Räise häm Törkiyä Tışqı êşlär ministrı urtaq proyektlar turında fiker alıştı”, - dip xäbär itä “Tatar-inform” agentlığı:
“Tatarstan Räise Röstäm Miñnexanov Törkiyä Cömhüriyäteneñ tışqı êşlär ministrı Xaqan Fidan belän İslam xezmättäşlek oyışması äğ’zaläre (әгъзалары) bulğan illärneñ däwlät häm xökümät başlıqlarınıñ 15nçe sammitı qısalarında oçraştı.
“Yaqlar sammitnıñ islam dönyası illäre öçen möhimlegen bilgeläp üttelär. Monnan tış qısqaça äñgämä barışında Törkiyä belän Tatarstan arasındağı ağımdağı proyektlar turında fiker alıştılar”, - dip söyläde Tatarstan Cömhüriyäte Räiseneñ matbuğat xezmäte citäkçese Liliyä Ğalimova.
“Tatar”-inform” agentlığı iskärtep uzğança, İslam xezmättäşlek oyışması dürt qıytğadağı 57 däwlätne berläşterä. Zurlığı yağınnan ul Berläşkän Millätlär Oyışmasınnan soñ ikençe xökümätara oyışma bulıp tora. Rusiyä – berläşmädä küzätüçe il”.
Tatar ğalime Nadir Däwlät iskä alındı
“Tatar-inform” agentlığı İstanbulda kürenekle tatar ğalime Nadir Däwlätneñ qabere yanında iskä alınuın xäbär itä:
“Professor, tarix fännäre doktorı Nadir Däwlät wafatınnan soñ öç yıl uzdı. 30nçı aprel’dä Törkiyäneñ İstanbul şähärendä ğalimneñ xatını Bäril Däwlät häm yaqınnarı anıñ qaberen ziyärät qılırğa barğan häm ruxına doğa uqığan.
“Nadir Däwlät – törki dönyanı öyränü ölkäsendä zur uqıtuçı, ostaz. Ul wafat bulğan yılnı Mimar Sinan universitetınıñ akademik komissiyäse iskä alu çarasın oyıştırdı. Nadir Däwlät üze isän waqıtta şäxsi kitapxanäsen İslam tarixı, sänğäte (сәнгате) häm mädäniyäte üzägenä bağışladı. İkençe çaranı uzğan yıl älege üzäk ğilmi (гыйльми) cıyılış itep oyıştırdı”, - dide “Tatar-inform” xäbärçesenä Nadir Däwlätneñ xatını Bäril Däwlät”.
İstanbulda Ğabdulla Tuqay çarası
“Tatar-inform” agentlığı İstanbulda Ğabdulla Tuqaynıñ 138 yıllığı uñayınnan oyıştırılğan ostaxanä häm konśert turında da xäbär itä:
“27nçe aprel’dä İstanbul tatarları şağir (шагыйрь) Ğabdulla Tuqaynı iskä alğan. Şähärneñ Äyüp rayonındağı (районындагы) Tuqay parkında şağir (шагыйрь) häykälenä çäçäklär salğannar, “Topkapı törki dönya” kompleksındağı “Tatarstan muzey-öye” (Татарстан музей-өе) yanında balalar häm studentlar qatnaşında konśert (концерт), milli ostaxanälär, uyınnar ütkärgännär.
Çaralarnı “İdel-Ural törkiläre mädäniyät häm yärdämläşü” cämğiyäte (җәмгыяте) Tatarstannıñ Törkiyädäge wäkilçelege, İstanbul şähär xakimiyäte yärdämendä oyıştırğan”.
Törkiyä şähärendä tatar biyüläre
“Tatar-inform” agentlığı başqa ber yazmasında Törkiyädä yäşäwçe tatar qızı Ahsän Sälinneñ sıynıftaşların tatar biyülärenä öyrätüe turında yaza:
“Törkiyäneñ Ärzurum şähärendä ikençe sıynıfta uquçı tatar qızı Ahsän Sälin Bastaban Tatarstanda öç ay bulıp qaytqannan soñ sıynıftaşların tatar biyülärenä öyrätkän. Bu xaqta Törkiyäneñ “Anadolu” agentlığı xäbär itä Анадолу агентлыгы хәбәр итә.
“Miña 34 yäş (яшь), min Qazannan. Tuğız yıl êlek Törkiyäneñ Ärzurum şähärenä küçendem, kiyäwgä (кияүгә) çıqtım. Öç balam bar. İñ ölkäne – Ahsän Sälin Bastaban. Qızıma sigez yäş (яшь), “Tatbikat” isemle däwlät mäktäbendä ikençe sıynıfta uqıy. Tatarstanda öç ay bulğannan soñ sıynıftaşlarına tatar ğoref-ğädätläre (гореф-гадәтләре), biyüläre, rizıqları turında söylägän”, - dide “Tatar-inform” xäbärçesenä Ahsän Sälinnıñ änise Alsu Bastaban.
Agentlıq beldergänçä, Bötendönya tatar kongressı belän êlemtägä kergännän soñ xoreograf Nigina Nizamiyeva biyü xäräkätlären töşerep videoyazma cibärgän.Törek uqıtuçısı Ayla Türkmänneñ äydäp baruçanlığında da böten biyü xäräkätläre öyränelgän.
