Tatarstan xäbärläre 7/2024
Tatarstan häm tatar dönyasındağı qayber waqıyğalarğa qısqaça küzätü
Tatarstanda studentlarnı kiçke uquğa küçermäkçelär
“Şähri Qazan” gazetı yazğança, Tatarstanda studentlarnı kiçke uquğa küçermäkçelär:
“”Alabuğa” maxsus iqtisadi (икътисади) töbäge ğomum mödire Timur Şahiwäliyev (Шаһивәлиев) Tatarstannıñ Sänäğät’ (Сәнәгать) häm säwdä ministrlığı kollegiyäse utırışında yuğarı häm urta uqu yortlarında (йортларында) belem aluçı yäş’lärne êşxanälärdä (предприятиеләрдә) êşläsennär öçen kiçke uqularğa küçerergä täqdim (тәкъдим) itte. Anıñ fikerençä, bu kadrlar mäs’äläsen xäl itärgä yärdäm itäçäk.
Xäzer cömhüriyättä tulay töbäk produktın arttıru öçen 250-500 meñ xezmätkär citmi. Şahiwäliyev (Шаһивәлиев) süzlärençä, studentlarnıñ uqu programmasın 17.00 säğättän soñğa küçerergä, şunıñ belän alarğa xezmät quyarğa, aqça êşlärğä häm bezneñ sänäğätne êşlätep cibärergä mömkinlek birergä kiräk.
Röstäm Miñnexanov: “Kitkän belgeçlärne kire qaytaru bik awır bulaçaq”
Bu süzlärne Tatarstan Räise Röstäm Miñnexanov Awıl xucalığı häm azıq-tölek ministrlığı kollegiyäse utırışında citkerde.
“İntertat” saytı beldergänçä, utırışta cömhüriyätneñ qorılıq belän niçek köräşäçäge, sıyırlarnıñ baş sanı kimü säbäple nindi problemalar kötelüe, awıl xucalığı citeşterüçelärenä nindi yärdäm çaraları buluı turında fiker alıştılar.
“Uzğan cäydä êsse hawa torışı häm yawım-töşem bulmaw (булмау) säbäple, awıl xucalığı xezmätçännäre öçen bik awır yıl buldı. Tatarstan barı tik 3 million 600 meñ tonna aşlıq cıya aldı”, - dip belderde Tatarstan Räise Röstäm Miñnexanov.
Tatarstan Däwlät başlığı bilgeläp ütkänçä, bügenge töp burıç – yazğı qır êşlären döres oyıştıru. Bu başlıça awıl xucalığı texnikasınıñ äzerlegenä bäyle.
Tatarstannıñ terlekçelek az üseş alğan rayonnarında (районнарында) xalıq sanı kimi, dip belderde Röstäm Miñnexanov. “Terlekçelek yuq – dimäk, êş yuq. Êş (Эш) yuq ikän – dimäk, keşelär kitälär. Kitkän belgeçlärne kire qaytaru bik awır bulaçaq. Ferma yabıla, annarı mäktäp, kibet yabılaçaq. Häm annan 5 yıldan soñ awıl da bulmayaçaq”, - dip östäde ul.
Respublika citäkçese bilgeläp uzğança, Tatarstan söt citeşterü küläme yuğarı bulğan töbäk bulıp qala. Uzğan yıl 2 million 200 meñ tonna çaması citeşterelgän.
Yekaterinburgta (Екатеринбургта) qabattan tatar tele däresläre başlandı
Bu turıda “Tatar-inform” agentlığı xäbär itä:
“11nçe fevral’dä Qayum Nasıyri institutınıñ fänni-belem birü üzägendä tatar tele däresläre başlandı. Tatarstannıñ Sverdlovskidağı Daimi wäkile Xäydär Ğilfanov (Гыйльфанов) uquçılarnı sälamläde häm tatar telenä qızıqsınu belderüläre öçen räxmät äytte. Bu xaqta Tatarstannıñ Sverdlovskidağı Daimi wäkillege matbuğat xezmäte xäbär itä.
Tatar tele uqıtuçısı Alinä Damirovna tatar mäğrifätçese (мәгърифәтчесе) Qayum Nasıyriğa bağışlanğan qızıqlı häm tanıp belü därese ütkärde. Kurslarda uquçılar anıñ êşçänlege belän tanıştı. Şulay uq “Şifalı ülännär” kategoriyäsennän süzlär belän süzleklären tulılandırdılar.
Öfedä Rudolf Nuriyev (Рудольф Нуриев) festivale uzaçaq
17nçe-23nçe mart könnärendä İdel-Ural töbägendäge Başqortstan Cömhüriyäte başqalası Öfedä (Уфада) Rudolf Nuriyev (Рудольф Нуриев) isemendäge 24nçe (XXIV) Xalıqara balet sänğäte (сәнгате) festivale uzaçaq. Bu xaqta “Başinform” agentlığı yaza.
Festival (Фестиваль) qısalarında Lev Stepanov häm Zahir İsmäğilevneñ “Torna cırı”, Lyudvig Minkusnıñ “Don Kixot”, Xerman Levenskoldnıñ (Левенскольдның) “Silfida” (Сильфида), Petr Çaykovskiynıñ “Aqqoş küle” baletları kürsäteläçäk. Şulay uq balet säxnäse dönya yoldızları (йолдызлары) qatnaşında ike gala-konśert (гала-концерт) planlaştırılğan. Rudolf Nuriyev (Рудольф Нуриев) isemendäge balet sänğäte (сәнгате) festivaleneñ konśert-açılışı (концерт-ачылышы) – “Anıñ iseme Rudolf Nuriyev (Рудольф Нуриев)”, konśert-yabılışı (концерт-ябылышы) “Balet legendası” iseme astında uzaçaq.
Sinoptiklar Tatarstanda temperatura anomaliyäläre turında kisätte
“Tatar-inform” agentlığı xäbär itüençä, aldağı 10 köndä Tatarstanda hawa temperaturası klimat normasınnan 6 gradusqa tübänräk bulaçaq. Bu xaqta cömhüriyätneñ Gidrometüzäge kisätä.
Bu atnada köçle bulmağan burannardan soñ Tatarstanğa tağın -33 graduslı salqınnar kiläçäk.
