Êş dönyasında yaña tärtip: gig-iq’tisad

Эш дөньясындa яңa тәртип: гиг-икътисaд

İnternet çorı belän global’läşüçe dönyada pandemiyä waqıtında kiñ taralğan “gig-iq’tisad” bügen dä zur tizlek belän üsüen däwam itä. Frilans êşläwçelärgä forsatlar birüçe älege ağımnıñ tiskäre yaqları da bar. Şulay itep, närsä soñ ul gig-iq’tisad? Bügen “Tormışnıñ qızıqlı yaqları tapşıru tezmäbezdä şul xaqta söyläşäçäkbez.

İnternet däwere “gig-iq’tisad” diyelgän êşläw modelen dä üze belän bergä kiterde.

Bigräk tä, pandemiya çorında üseşkä küçkän gig-iq’tisad här yäş’ törkemendäge keşelärneñ totrıqlı yäisä östämä kerem aluına mömkinlek birä.

Frilans (irekle) êşläw modelen üz êçenä aluçı älege ağımnıñ uñay yaqları da bar, tiskärese dä küzgä bärelä.

Şulay da, könnän-kön üsüçe bu iq’tisad modele, täğayen genä äytkändä, nindi mäğ’nägä iyä?

Gig-iq’tisadnıñ östenlekläre häm tiskäre yaqları

Gig süze muzıka ölkäsennän kilüçe termin. Qısqa waqıtlı êşlär digänne añlata.

İq’tisadta isä xezmätkärlär öçen waqıtlıça êş yäisä mäşğul’lek iq’tisadı dip bigelänä.

Ayıruça pandemiya çorında barlıqqa kilgän êşläw şartlarında gig-iq’tisad belän qızıqsınu arttı häm xäzer dä üseştä.

Frilans êşläw räweşen üz êçenä aluçı gig modeleneñ östenlekläre bulğan şikelle, uñaysızlıqları da citärlek. Xezmätkärlärneñ barı üzbaşlarına ğına êş birüçe belän êlemtädä toruı, hönäri xoquqlardan mäxrüm qaluı yäisä daimi kereme bulmawı xätär prośess şikelle kürenergä mömkin.

Tik ikençe yaqtan bu forsat bulıp tora. Sığılmalı êş grafigı, keşeneñ üzenä yaña êşlär uylap taba aluı, bigräk tä, sanlı platformalarda êşläw mömkinleklärenä iyä bulu. Bolar barısı da forsatlar iq’tisadı şikelle bäyälänä ala.

İñ ähämiyätle faktor - “saqçıllıq”

Bigräk tä zur şirkätlär artuçı taläplärgä cawap birü häm waqıtnı yanğa qaldıru öçen gig-iq’tisadtağı “ştattan tış êşläw modele” – frilansqa taba torğan sayın kübräk yünälä. Ber xezmätkärne êşkä alu - tulı waqıtlı xezmät xaqın tüläw häm başqa çığımnarı belän bergä qıymmät bäyägä töşä. Tik sez aña könlek yäisä ayğa 5 säğat’lek êş birsägez – tağın da oçsız çığa.

Xäzer şirkätlär älege tendenśiyäne totıp aldı. Alar üz sostawındağı daimi xezmätkärlärennän tış, üzläreneñ häm kliyentlarınıñ qayber ixtiyacların ütäw öçen frilansyerlarğa möräcäğat’ itä başladı.

Çığanaq: TRT Xäbär

Tatarça podkastlar (тавыш язмаларыбыз)