Törki cömhüriyätlärneñ kön üzägendäge waqıyğalar

Ağımdağı yılnıñ 25nçe sentyabrendä Qazaqstan ilbaşı Qasıym-Comart Toqayıv Rusiyä, Belarus’ häm Qırğızstan xökümät räislären qabul itte. Oçraşuda Qazaqstannıñ älege däwlätlär belän iq’tisadi mönäsäbätläre qaraldı. Rusiyä, Belarus’ häm Qırğızstan xökümät başlıqları Astanada oyıştırılğan “İnnoprom Qazaqstan-2023” xalıqara sänäğat’ kürgäzmäseneñ açılışında qatnaştı.

Şul uq könne Qazaqstan ilbaşı Qasıym-Comart Toqayıv Tatarstan cömhüriyäte räise Röstäm Miñnexanovnı qabul itte. Oçraşuda ike aradağı mönäsäbätlär xaqında fiker alıştılar.

Tatarstan cömhüriyäte räise Röstäm Miñnexanov 26nçı-27nçe sentyabr’ könnärendä Törekmänstanğa êşlekle säfär yasadı. Arkadağ şähärendä ul Törekmänstannıñ Xalıq kiñäşe citäkçese Gorbangulı Bärdemöxämmädov, ilbaşı Särdar Bärdemöxämmädov belän ayırım-ayırım oçraştı. Röstäm Miñnexanov Törekmänstannıñ Bäysezlek könen bäyräm itüdä märtäbäle qunaq ide.

26nçı sentyabr’dä Üzbäkstan ilbaşı Şäwkät Mirziyayıv Qırğızstan parlamentı spikerı Nurlanbäk Şakiyıvnı qabul itte. Oçraşuda ike il arasındağı strategik mönäsäbätlär törle yaqlap qaraldı. Şul uq könne parlament räise Nurlanbäk Şakiyıv Üzbäkstan qanun çığaru mäclese başlığı Nuretdin İsmailov häm Ali mäcles spikerı Tänzilä Narbayıva belän küreşep söyläşte.

28nçe sentyabr’dä Qazaqstan ilbaşı Qasıym-Comart Toqayıv “Berlin Global Dialog” forumında qatnaşıp çığış yasadı. Ul älege çara qısalarında Şri-Lanka däwlät başlığı Ranil Vikramesinxe belän oçraştı.  

29nçı sentyabr’dä Berlinda Üzäk Aziya-Germaniyä sammitı uzdı. Anda Germaniyä xökümäte räise, Qazaqstan, Qırğızstan, Üzbäkstan häm Tacikstan däwlät başlıqları, Törekmänstannıñ Xalıq kiñäşe räise qatnaştı. Çarada Germaniyäneñ Üzäk Aziyä illäre belän mönäsäbätläre törle yaqlap qaraldı. Liderlar, şulay uq, Germaniyä kanślerı (канцлеры) Olaf Şol’ś belän ikeyaqlı oçraşular uzdırdı. Qırğızstan häm Germaniya xökümätläre arasında migraśiyä (миграция) häm üzgäreşlär mäs’äläsendä urtaq deklaraśiya (декларация) imzalandı. Şul uq könne Germaniya ilbaşı Frank-Val’ter Ştaynmayer Üzäk Aziya liderları belän kümäk häm ikeyaqlı söyläşülär uzdırdı.

Üzäk Aziya ilbaşları sammit qısalarında aldınğı nemeś (немец) êşmäkärläre belän oçraştı. Monnan tış, liderlar Germaniyä şirkätläreneñ wäkilläre belän ayırım-ayırım küreşep söyläşte.

25nçe sentyabr’dä Törkiyä ilbaşı Räcäp Tayyip Ärdoğan Azärbaycanğa räsmi säfär yasadı. Anı Naxçivanda Azärbaycan däwlät başlığı İlham Äliyıv tantana belän qarşıladı. Söyläşülärdän soñ ike il arasında 3 kileşü imzalandı. Liderlar Iğdır-Naxçivan tabiğıy gaz ütkärgeçenä nigez saldı häm xärbi citeşterü ob’yektı açılışında qatnaştı.

28nçe-29nçı sentyabr’ könnärendä Azärbaycan xökümäte räise Ali Asadov Tacikstanğa êşlekle säfär yasadı.  Ul Tacikstan xökümäte räise Kahir Rasulzadä belän oçraştı. Biredä Ali Asadov “Düşanbe-2023” Xalıqara investiśiyä forumında qatnaştı.

Täräqqıyät’lärdän kürengänçä, uzğan atna Törki cömhüriyätläre öçen näticäle ütte. İlbaşı Ärdoğannıñ Naxçivanğa säfäre waqıtında tözelgän kileşülär Törki cömhüriyätläreneñ berläşüendä ähämiyätle rol’ uynayaçaq.

Abdrasul İsakov