Tekstil’dä su qullanu tiz moda tendenŝiyase (тeндeнциясe) belän arta

Yılına yaqınça 79 milliard kub metr su qullanılğan tekstil’ tarmağındağı bu miqdarnıñ tiz moda tendenŝiyase belän 2030 yılda 120 milliard kub metrğa citüe kötelä.  

Berläşkän Millätlär Oyışmasınıñ Säwdä häm üseş konferenŝiyase häm Awrupa Parlamentı xisaplarına kürä bar dön’yada tekstil’ tarmağında yılına yaqınça 79 kub metr su qullanıla.

Yılına 5 million keşeneñ su ixtıyacın qanäğat’länderergä citäçäk bu miqdarnıñ 2030da 120 milliardka çığaçağı farazlana.

Mamıq futbolkanı citeşterü öçen yaqınça 2700 litr su sarıf itelä, bu san ber keşeneñ 2 yıl yarımlıq çista suına turı kilä.

Ber djinsı çalbar citeşterüdä qullanıluçı yaqınça 7500 litr su isä ber keşeneñ 7 yıllıq êçä torğan suı digän süz.

2000-2015 yıllar arasında kiyem citeşterü ike tapqırğa arttı, kiyemnärneñ urtaça qullanışı isä tiz moda tendenŝiyaseneñ täêsire belän azaya.

Dön’yadağı tügente sunıñ 20%ı moda industriyasennän kilä. Älege industriyadä här sekundta ber tulı çüp maşinası qadär tekstil’ materialı yandırıla yäisä ırğıtıla.

Qullanılğan qıyafätlärneñ yartısınnan äzräge qabat qullanu yäisä qabat êşkärtü öçen cıyılğanda bu kiyemnärneñ barı tik 1%ı ğına yaña qıyafätlärgä äylänä.

Ênergiyadän soñ tirä-yaqnı iñ küp pıçratuçı ikençe industriya bulğan moda tarmağı global’ uglerod bülenep çığuınıñ 10%ınnan cawaplı. Bu küläm xalıqara oçqıç säfärläre häm köymä transportı säbäpçe bulğan uglerod bülenep çığuınıñ tuplamınnan kübräk.

Tekstil’dä saqçıllıqnı niçek täêmin itep bula?

Kiyemnärne döres temperaturada yuu, döres däräcädä häm ısul belän kipterü, qayberlären qorı kileş çistartu bik möhim.

Bu mäs’älädä su belän ênergiyane saqçıllıq belän qullanırğa kiräk.

Şulay uq tekstil’ êşläneşe qorılmalarınıñ qabat êşkärtügä investiŝiya kertüe, tügente su qullanunı qayğırtuı zarur.

Qullanılğan sunı fil’tr aşa ütkärergä kiräk. Ayıruça tügente sularnıñ 70%ın çistartıp, citeşterüdä qullanu variantın da bäyäläp bula.

Çığanaq - "Anadolu" agentlığı

Tatarça podkastlar (тавыш язмаларыбыз)