Topkapı muzeyı farforları

Topkapı sarayı muzeyında 16 meñgä yaqın farfor äyber buluın beläsezme?

Topkapı sarayında bay farfor kollekśiyäse saqlana. Älege muzeyda böten dön’yağa tanılğan häm tiñsez Qıtay farforları bar. Ul 10 meñnän artıq êşlänmä belän Qıtay tışındağı iñ zur farfor kollekśiyäse. Êksportlanğan farforlarnıñ 13nçe ğasır axırınnan 20nçe ğasır başına qadärge üzgäreşen kürsätüe öçen ayırım ähämiyätkä iyä. Qıtay farforları tışında Yaponiyäneke, Awrupanıqı häm töreklärneke bularaq bilgele Yoldız farforları – saraynıñ tağın ber ähämiyätle farfor kollekśiyäsen barlıqqa kiterä. Topqapı Sarayınıñ Awrupa farforları kollekśiyäsendä yaqınça 5 meñ danä êksponat bar. Alar törle illärdä yasalğan häm 15nçe ğasırdan başlap 20nçe ğasırğa qadärge çornı üz êçenä ala. Kollekśiyä san yağınnan da, törlelek buyınça da bik bay. Östäwenä Awrupa farfor sänğateneñ xronologiyäsen iñ yaxşı kürsätüçe üzençälegenä iyä.

Saray kollekśiyäsendä seladon, aq-zäñgär, ber häm küp tösle farfor sawıtlar bar. İslam däwlätlärendäge tabın tradiśiyälärenä kürä zur häm bay bizäwle itep êşlängän kasä häm tälinkälär – kollekśiyäneñ iñ kürenekle êşlänmäläre. Padişahlar, altın häm kömeş sawıtlardan tış, farfor häm seladonğa da östenlek birgän. Seladonnı, bigräk tä, rizıqtağı ağunı açıqlawına ışanuları arqasında qullanalar.

Zäwıqlı farforlar Ğosmanlı tormışında härwaqıt köçneñ häm baylıqnıñ kürsätkeçe bulğan. Qayçaq alarğa üzgäreşlär dä kertkännär. Äytik bik ğadı küreneşle sawıtlar qıymmätle taşlar belän bizälgän, watılğan farforlar üzençälekle östämälär belän tözekländerelgän. Alar xäzer Ğosmanlı sänğateneñ häm Saray zärqançelegeneñ iñ saylanma ürnäkläre arasına kerä.