ChatGPT: qulaylaştıruçımı, yanawmı?

Yasalma aqılğa iyä äñgämä robotı ChatGPT turında soñğı waqıtta küp närsälär işetäbez. Bu caylanmanıñ qulaylaştıruçı yağı bulsa da, belgeçlär qayber risklarınıñ da buluın uylıy. Yasalma aqıl robotınıñ risklarına küz salıyq.

Aralarında İlon Mask ta bulğan meñnän artıq belgeç imzalağan yasalma aqılğa qarşı yazılğan xatta yasalma aqıl model’läreneñ qamilläşterelüendäge yarışnıñ riskları mäs’äläsendä kisätü yasala häm êşçänleklärne 6 ayğa tuqtatu sorala.

Dialog räweşendä êlemtä qoruçı tel modelenä iyä bulğan ChatGPT soñğı waqıtta iñ küp bäxäsläşelüçe yasalma aqıl programması bulıp tora. Ul här sorawğa cawap birä ala läkin birgän cawapları qayçaq şöbhä uyata.

Xäzerge versiyasendä 175 milliard mäğlümat isemlege bar. Sorawlarğa mägnäle cawaplar birü öçen milliardlarça mäğlümatnı tikşerä

Älege programmanıñ qulaylaştıruçı yağınıñ buluı qullanuçılarnı qanäğat’ itä läkin cawaplarınıñ barısı da döres tügel.

Qullanuçılarğa yalğış mäğlümat birä

Belgeçlär programmanıñ bilgele risklar tudıruın äytä. Sanlı media belgeçe Oğuzhan Saruhan citkergänçä äñgämä robotı qayber qullanuçılarına yalğış mäğlümat birä.

Ul mäğlümat isemlege êçendä döres bulmağan, manipulyaŝiyalängän mäğlümatlar bula alaçağın assızıqlawçı Saruhan bolay di: “Bu mäğlümatlar cıyılması êçendä rasaçılıq, faşizm belän bäyle yäisä başqa naçar xis-toyğılar belän bäyle mäğlümatlar bula ala häm monı sezgä yaxşı itep kürsätä.”

Professiyalärgä yanıy

ChatGPTneñ professiyalärgä dä yanaw potenŝialı bar. Belgeçlär ütkärelgän tikşerenülärneñ dä monı kürsätüenä işaräläp, kisätü yasıy.

Belgeç tübändägeçä belderä: “Bügen ütkärelgän ber tikşerenügä kürä meñ hönär tarmağı bügenge versiyase belän artqı planda qala ala.”

Belgeçlär kiläçäktä tağın da küp bäxäsläşeläçäk mäs’älälärdän berseneñ avtorlıq xoquqı bulaçağın uylıy. Çönki yasalğan êçtälekneñ tuplanğan mäğlümatlar belän barlıqqa kilüe iyäseneñ kem buluı sorawın tudıra.

Qıtay häm İtaliya tıydı

Programmadan qanäğat’ qaluçılar da bar, monıñ zur risklar taşuın däğwa itüçelär dä. Qıtay häm İtaliya ChatGPTne tıydı. Twitternıñ yuğarı däräcäle citäkçese bulğan İlon Mask häm qayber yasalma aqıl belgeçläre dä programmanı tuqtatırğa çaqırdı.

Çığanaq - TRT Haber