Sośial’ medianı bik küp qullanu yalğızlıqnı arttıra

Märmär universitetınıñ tıyb-mediśina fakul’tetı psixiatriya kafedrası uqıtuçısı professor doktor Kemal Sayar ğailädä genetik awıru buluçılarnıñ, balaçaqta travmağa duçar buluçılarnıñ, stakannıñ buş yağına qarawçılarnıñ depressiya öçen risk astında buluın äytte.

Sośial’ media bäylelegeneñ dä depressiyağa säbäp bula aluın belderüçe Sayar bolay dip iskärtep uzdı:

"Sośial’ media keşelärneñ yalğızlığın arttıra. Sośial’ mediada üzebezne yuatabız dip uylıybız. Fäqät andağılarnıñ çın duslıq bulmawın awır waqıtlarda añlıybız. Sośial’ media keşelärdäge narśissizmnı da köçäytä. Barıbız da bezdän soqlanuların, alqışlanıluın telibez. Bu da keşelärne säyır tügäräkkä kertep quya. Tağın da kübräk layk ala alu öçen sośial’ mediada tağın da kübräk waqıt uzdırabız. Tağın da kübräk waqıt uzdırğan sayın keşelärdän tağın da kübräk çitläşäsez. Monıñ näticäsendä keşelär depressiyağa kerä ala. Sośial’ media bäylelegeneñ depressiyağa säbäp buluı turında basmalar, yazmalar bar. Şuña kürä çamalap qullanırğa kiñäş itäbez."

Sayar, bigräk tä kizüdän soñ (pandemiyadan soñ) sośial’ media häm uyın bäylelege bulğan keşe sanınıñ kübäyüen belderep, balalarnı êkran aldınnan bik awır torğızuların äytte.

Sośial’ medianı döres itep qullanunıñ zarurlığın iskärtep uzuçı Sayar: "Bez aqıllı cihazlarnıñ uyınçığı bulmıyq, alarnı niçek kontrol’dä totarğa ikänen belik. Alar bezneñ uyınçığıbız, kontrol’ häm iradä bezdä bulsın," – dip äytte.

 "Yaña däwalaw ısulları qamilläşterelä"

Depressiyanıñ däwalanuı öçen yaña ısullarnıñ qamilläşterelüen belderüçe Sayar: "Depressiya däwalanuı öçen bik ozaq waqıttan birle novatorlıq açışın kürmägän idek. Xäzer berniçä däwalaw ısulı qamilläşterelde," – dip citkerde.

Sayar, êffektiv daru terapiyası häm psixoterapiya ısulları belän depressiyanı däwalawda uñışlı näticälär aluın belderep, ike däwalawnıñ bergä bulunıñ tağın da kübräk näticä täêmin itüen añlattı.

Awıruçılarnıñ xastaxanälärgä, psixiatriya belgeçlärenä möräcäğät itä aluın iskärtep uzuçı Sayar: "Mondıy awıruı bulğan keşelär “añastın çistartu yäki ğailä tözem terapiyäläre” kebek êffektivlığı fänni tikşerenülär belän kürsätelmägän moda ağımnarına yünälü urınına êffektivlığı isbatlanğan psixoterapiya ısullarına häm biologik däwalawğa yünälsä tağın da faydalı bulaçaq,” – dip bäyäläw yasadı.

Çığanaq: TRT Xäbär