YUNESKOnıñ İcadi şähärlär çeltärendä Türkiye

“Tormışnıñ qızıqlı yaqları” tapşıru-tezmӓbezneň bügenge çığarılışında Türkiyeneñ YUNESKOnıñ İcadi şähärlär çeltärenä kertelgän şähärläre turında süz alıp barabız. YUNESKOnıñ İcadi şähärlär çeltärendä Türkiyedän 7 şähär bar. Bu şähärlärneñ  öçese gastronomiya, ikese hönärçelek häm xalıq sänğäte, berse dizayn häm tağın berse muzıka ölkäsendä isemlekkä kergän.

Tarixı, mädäni baylığı häm tabiği maturlığı belän Türkiye şaqtıy ölkälärdä BMOnıñ mäğarif, fän häm mädäniyät oyışması YUNESKO isemleklärendä urın ala. YUNESKOda Türkiye kertelgän isemleklärneñ berse - İcadi şähärlär çeltäre.

YUNESKOnıñ İcadi şähärlär çeltäre 2004 nçe yılda dön’yanıñ törle illärennän 116 şähär qatnaşında oyışa. Anıñ maqsatı – törle töbäklärdäge törle keremle, törle mömkinleklärgä häm törle xalıq sanına iyä şähärlärne icadi tarmaqlar ölkäsendä êşläw öçen bergä tuplaw.

İcadi şähärlär çeltäre şähärlärneñ sośial’, iqtisadi häm mädäni üseşenä öleş kertü maqsatın quya. Bu çeltär äğ’zaları bulğan şähärlär YUNESKOnıñ mädäni törlelegen yaqlap cirle icatların, populyarlıqların häm kürenüçänleklären arttıralar.

İcadi şähärlär çeltärendä qatnaşu qul êşläre häm xalıq sänğäte, dizayn, kino, gastronomiya, ädäbiyät, muzıka häm sınlı sänğät’ ölkäsendä yasala.

Xäzerge waqıtta Türkiyeneñ 7 şähäre YUNESKO İcadi şähärlär çeltärenä kertelgän. Alar tübändägelär:

İcadi şähärlär çeltäre äydäp baruçısı - Gaziantep

Gaziantep - Türkiyedän YUNESKO İcadi şähärlär çeltärenä kertelgän berençe şähär. Ul bu isemlekkä 2015 nçe yılda gastronomiya ölkäsendä kerde.

Aş-suları belän mäşhür Hatay

 Hatay kuxnyasınıñ iskitkeç aş-suları 2017 nçe yılda böten dön’yada terkälde häm YUNESKO İcadi şähärlär çeltärenä kertelde.

Kütahyanıñ hönärçelek häm xalıq sänğäte YUNESKOda

Kütahya 2017 nçe yılda YUNESKOnıñ İcadi şähärlär çeltärenä Türkiyedän hönärçelek häm xalıq sänğäte ölkasendä kerä alğan berençe şähär bularaq terkälde.

Śivilizaśiyälär bişege – İstanbul

Meñlägän yıllıq tarixı belän sänğät’ ,hönärçelek häm ostalıq mädäniyäte belän tirän tamırlı dizayn asqormasına iyä İstanbul YUNESKO İcadi şähärlär çeltärenä dizayn ölkäsendä Türkiyedän berençe şähär bularaq 2017 nçe yılda kertelde.

Kırşehir

Kırşehir YUNESKO İcadi şähärlär çeltärenä muzıka ölkäsendä 2019 nçı yılda kerde.

 Afyonkarahisar

Afyonkarahisar YUNESKOnıñ İcadi şähärlär isemlegenä gastronomiya ölkäsendä kergän 3 şähärennän berse bularaq 2019 nçı yılda isemlektä terkälde.

Fayans häm yefäk şähäre - Bursa

YUNESKOnıñ İcadi şähärlär çeltärenä kertelgän soñğı şähär - Bursa. Karavan-saraylar töbäge, Soltan kölliyäläre häm Cumalıkızık belän 2014 nçe yılda YUNESKOnıñ Bötendön’ya mirası isemlegenä kergän şähär bu yulı hönärçelek häm xalıq sänğäte berekmäse belän İcadi şähärlär çeltärenä kertelde.

Çığanaq: TRT Xӓbӓr