Pomidor

Törkiyäneñ dön’yada iñ küp pomidor citeşterüçe dürtençe däwlät buluın belä idegezme?

Dön’yada da, törek aş-sularında da iñ küp qullanıluçı awıl xucalığı produktlarınıñ berse – pomidor. Xätta törek xalqında ul “Suğan belän tomat sousın qızdır, şunnan soñ êçenä närsä salsañ – şunıñ rizığı bulır” diyeläçäk qadär alıştırğısız. Pomidor Üzäk häm Kön’yaq Amerikadan çığa. 16nçı ğasırda ul Meksikadan Awrupağa cäyelä. Urta diñgez häm Yaqın Könçığış illärendä pomidornı tanıtuda törek säwdägärläreneñ ähämiyätle role bula.

A, E häm C vitaminnarı, kaliydan başlap şaqtıy mineral’ matdä häm üsemlek cepsellärenä bay pomidor likopin, beta-karotin häm flavonoidlar belän küp kenä xastalıqtan saqlaw üzençälegenä iyä. Dön’yada älege yäşelçäneñ niçä töre barlığı tögäl genä bilgele tügel. Törkiyädä anıñ törlesen citeşterälär häm arttıralar. Açıq hawada häm parnikta citeşterelüçe, cirdä häm asılmalı xäldä üsterelüçe pomidorlar bar. 

Dön’yada pomidornı iñ küp citeşterüçe dürtençe däwlät – Törkiyä. Çitkä satuda ul bişençe urında, ä menä tomat sousı êksportlawda – öçençe. Törkiyägä kilüçe turistlar biredä aşağan pomidorlarnıñ tämlelegen öylärenä qaytqaç söyläp beterä almıylar.