Kiläçäktäge maşina texnologiyası: rul’ bulmayaçaq

Kiläçäktäge maşina texnologiyası

Avtomobil’ industriyası borılış, üzgäreş noqtasında. Kiläçäktä maşina yörtüçeneñ kontrolenä ixtıyac toyılmıyça, ber-berläre belän êlemtädä bulğan maşinalarnıñ yul xäräkätendä buluı maqsat itelä. “Kiläçäk maşinaları nindi bulaçaq soñ?"

Avtomobillär turında belgän böten närsäne onıtırğa turı kiläçäk.

Kiläçäktäge maşinalarda rul’ bulmayaçaq, fossil yağulığı ütkännärdä qalaçaq.

Avtomobillär tağın da êkologik, tağın da funkśional’ bulaçaq häm maşina yörtüçesez xäräkät itäçäk maşinalar avtonom kontrol’ sistemasına iyä bulaçaq.

Avtomobil’ texnologiyaları belgeçe, fännär doktorı Sinan Yannıär: "Kiläçäktä yul xäräkätendä bik küp êlektrlı, maşina yörtüçesez häm bäyläneşle maşinalar bulaçağın uylıybız. Alarnı telefonıbız belän, aqıllı cihazlarıbız belän yanıbızğa çaqıraçaqbız, bez telägän urınğa, bälki, tawış komandaları belän bezne alıp baraçaq”, - dip äytte.

Yörtüçesez maşinalar transportnı da tamırdan üzgärtäçäk.

"Qullanılmağan maşinalar ğailä byudjetına öleş kertäçäk"

Maşinabız bez qullanmağan çaqlarda al’ternativ êşlär yärdämendä xätta aqça da êşli alaçaq.

Doktor Yannıär mäs’älä belän bäyle bolay dip añlatma yasıy:

"Ber ğailä maşinanı irtä belän êşkä barğan çaqta, bälki, yartı säğät, bälki, ber säğät qullana, kiçen dä şulay. Yartı säğät, ber säğät qullanabız. Könneñ qalğan öleşendä 22-23 säğät maşina avtoparkta, parkovkada yata. Bälki dä, şuşı waqıt êçendä aña törle wazıyfalar biräçäkbez. Törle wazıyfalarğa cibäräçäkbez. Maşina bezneñ öçen transport xezmäten başqaraçaq, yök taşıyaçaq, bezneñ öçen aqça êşläyäçäk", - dip üz fikerlären citkerä belgeç.

Transport çığımnarı kimiyäçäk

Häm maşina yörtüçesez, häm dä êlektrlı maşinalarnıñ artuı belän transport çığımnarı da kimiyäçäk.

Doktor Sinan Yannıär:  "Êlektrlı maşinalar uglerodlı yağulıq urınına tağın da äz çığımlı êlektrnı qullanaçaq. Yörtüçesez buluları kön däwamında törle wazıyfalarnı başqaruları, älbättä, transport çığımnarına uñay yoğıntı yasayaçaq häm bäyä uñaylığın täêmin itäçäk”, - dip belderde.

Kiläçäktäge avtobillärdä maşina yörtüçese maşinanı qullanuçı tügel, aña komanda, boyırıq birüçe keşe bulaçaq.

Çığanaq: TRT Xäbär