Qazanda qoyaş bayışı, turistlar häm dini cıyınnar

Tatarstan xäbärläre – 07/2022

1828475
Qazanda qoyaş bayışı, turistlar häm dini cıyınnar

ТӨРКИЯ AШA ТAТAРCТAН ҺӘМ ДӨНЬЯ XӘБӘРЛӘРE / TÖRKİYÄ AŞA TATARSTAN HÄM DÖN'YA XÄBÄRLÄRE 17.05.2022 13:00 PODKAST

Qazanda kilgän turist sanı artqan

“Watanım Tatarstan” gazetı yazuınça, maynıň berençe un könendä Qazanda 200 meň turist bulıp kitkän. Şähär xakimiyätennän xäbär itelgänçä, uzğan yıldağığa qarağanda 50 meňgä kübräk san bu.

Qunaqxanälär assośiaśiyäse mäğ’lümatlärenä qarağanda, 30nçı aprel’-9nçı may aralığında Tatarstan başqalası qunaqxanäläre 85%qa tulğan. Turistlar bigräk tä öç yoldızlı qunaqxanälärne üz itkän (92%).

Şul uq waqıtta soňğı tikşerenülärneň bersenä qarağanda, Tatarstanda yäşäwçelärneň küpçelege may bäyrämnären öylärendä genä ütkärgän. Tatarstan säyäxätçeläreneň 20% çaması Sankt-Peterburg häm Mäskäwne saylağan. 40%tan kübräge kürşe töbäklärgä: Samara häm Ul’yanovsk ölkälärenä, Başqortstan, Çuaşstan häm Mari ilenä östenlek birgän.

 

Qazanda cır-biyüle qoyaş bayışı

“Qazannıň cäyge parklarınnan qaytıp ta torası tügel: cır-biyü dä, sıy-niğ’mäte dä şunda,” - dip yaza “Şähri Qazan” gazetı.

Damir Bädriyıv mäqaläsendä may ayınnan başlap sentyabrg’gä qadär şähär parklarında tatar telendä “Xäräkättä-bäräkät” sport häm mädäni çaralar planlaştırılğan,” – dip citkerelä:

“Xäzer bezneň qaramaqta 29 cämäğät’çelek moxite isäplänä. Parklarda cäyge çorğa zur programma äzerlände,” – dip xäbär itte Qazannıň parklar häm skverlar direkśiyäse citäkçese wazıyfasın başqaruçı Aygöl Latıypova.

Yaňa proyıktlar da bar, şunıň berse – “Êt asrıy başlawçılar mäktäbe”. “Çerek kül” häm Gorki-Ämät urman parkında kinologlar belän zoopsixologlar lekśiyälär ütkäräçäk. Şulay uq parklarda “Täpiyıňne bir” akśiyäse däwam itä. Här keşe üzenä dürtayaqlı dus saylarğa mömkin.

“Çerek kül” parkında här yäkşämbedä “İnsayt” psixologiya institutı psixologları häm uqıtuçıları belän açıq oçraşular oyıştırıla.

Rayonnardağı keçe parklardağı çaralarda keşelär üzlärenä kiräk bulmağan kiyımnärne, kitaplarnı, öy üsemleklären başqalarğa büläk itä.

“Çerek kül”dä 10nçı iyül’dä täwge märtäbä stendap kiçäse ütkärü niyätlänelä. “Aq çäçäklär” bul’varında park strit-art festivale planlaştırıldı. Teläge bulğan keşelär Qazan rässamnarı belän berlektä qorılmalarnı graffiti räweşendä bizäüdä qatnaşaçaq,” – dide Aygöl Latıypova.

Qazanlılar häm qunaqlar parklarğa Qoyaş bayışın qararğa da cıyılışa ala. Qoyaş bayığan waqıtta muzıka-biyü, kiçke aş çaraları ütkärü uylanılğan.

Avgust ayında Qaban küle buyında matur yolağa äylängän “Milli kiyım” milli kostyumnar bäyräme bula.

 

Tatarstanda İslam dinen qabul itüneň 1100 yıllığı çaraları

İdel buyı Bolğarstanında İslam dinen qabul itügä 1100 yıl tulunı bäyräm itü qısalarında töp waqıyğalar ağımdağı may ayında Tatarstan cirlegendä uzaçaq.

Bu xaqta Tatarstan Cömhüriyäte Baş ministr urınbasarı Vasil Şäyxerazıyıv belderde.

Tatarstan Däwlät başlığınıň matbuğat xezmäte “tatarstan.ru” saytında çıqqan yazmağa qarağanda, Vasil Şäyxerazıyıv bilgeläp ütkänçä, näq’ menä may ayında möhim waqıyğalar küp buluğa qaramastan, İdel buyı Bolğarstanı tarafınnan İslam dinen qabul itüneň 1100 yıllığın bäyräm itü qısalarında çaralar 2022nçe yıl däwamında uzaçaq.

 

Tatarstan başqalasında Bötendönya köräş kuboğı

“Watanım Tatarstan” gazetı citkergänçä, 18nçe-22nçe may könnärendä Qazanda häm Bolğarda İdel buyı Bolğar däwlätendä islam dinen qabul itügä 1100 yıl tulunı bäyräm itü qısalarında dönya köräş kuboğı uzaçaq. Bu turıda Tatarstan Sport ministrlığı xäbär itte.

Dön’ya kuboğında 25 ildän – Törkiyä, Törekmänstan, Üzbäkstan, Qazaqstan, Qırğızstan, Azärbaycan, Äfğanstan, Aljir, Angola, Ärmänstan, Bangladeş, Belarus’, Misır, Êkvatorial’ Gvineya, Gruziya, Hindstan, İzrail, Ğıyraq, İran, Livan, Moldova, Rusiyä, Tacikstan, Çad sportçıları qatnaşa.

 

Tatarstanda Sabantuy könnäre

Tatarstan Prezidentı Röstäm Miňnexanov Saban tuyın bäyräm itü könnären rasladı. Qazanda ul 19nçı iyün’dä uzaçaq.

Tatarstan İlbaşınıň boyırığı belän Çallıda Saban tuyı 18nçe iyün’dä bula.

Rayon üzäklärendä häm toraq punktlarında 11nçe-13nçe iyün’dä bäyräm itäçäklär.

“Tatar-inform” agentlığı xäbär itkänçä, Mäskäwdä Saban tuyı 2nçe iyül’gä bilgelängän. Federal’ Sabantuy Ul’yanovskida 17nçe-18nçe iyün’dä uzaçaq.

 

12nçe Bötenrusiyä tatar din ähelläre forumı

Tatarstanda 12nçe Bötenrusiyä tatar din ähelläre forumı uzaçaq. Anda Rusiyäneň 76 töbägennän häm 7 çit ildän ber meň 100 imam kiler, dip kötelä.

“Watanım Tatarstan” gazetı beldergänçä, unikençe yıl rättän uzdırıluçı forumnıň bıyılğısı İdel Bolğarstanında islam dine qabul itelügä 1100 yıl tuluğa bağışlana. Forum delegatları 20nçe mayda Cämiğ’ mäçetenä nigez taşı salu tantanasında qatnaşaçaq. Yaňa mäçet nigezendä meňlägän keşe qatnaşında comğa namazı uqılaçaq. 21nçe may könne forum delegatları İzge Bolğar cıyını tantanasında da qatnaşaçaq.

 

Renat İbrahimov Mäskäwneň mäşhür tatarlar isemlegenä kertelde

“Tatar-inform” agentlığı beldergänçä, Mäskäw tatarları häm törki xalıqlar Milli kongressı qarşındağı Koordinaśiya şurası tarafınnan tanılğan tatar cırçısı, kompozitor häm prodyusser Renat İbrahimovnı Mäskäwneň tatar millätennän bulğan mäşhür êşlekleläre isemlegenä kertü turında qarar qabul itelde.

Mäskäw tatarları milli kongressı citäkçese Röstäm Yamaliyıv bilgeläp ütkänçä, Renat İbrahimov – kürenekle mädäniyät êşleklese, anı böten êstrada häm muzıka dönyası belä ide.

14nçe may könne RSFSRnıň xalıq artistı, kompozitor häm prodyusser Renat İbrahimovnıň yöräge tibüdän tuqtadı. Aňa 74 yäş’ ide.

 

Öfedä Därdmänd iskä alına

Başqortstan başqalası Öfedä Zakir Rämiyıvkä bağışlap ädäbi-muzıkal’ kiçä bula,” – dip xäbär itä “Tatar-inform” agentlığı:

25nçe mayda Öfeneň “Nur” tatar däwlät teatrınıň Zur zalında “Аһ, tuğan qawmem ğaziz” dip atalğan ädäbi-muzıkal’ kiçä uzaçaq.

Çara tatar şağıyre, altın çığaruçı, meśenat, Rusiyäneň 1nçe çaqırılış Däwlät Duması äğ’zase Därdmändkä (Zakir Rämiyıvka) bağışlana. Bu turıda Bötendönya tatar kongresso Başqortstandağı wäkilçelegenä sıltama belän xäbär itä.

Kiçädä Başqortstannıň häm Tatarstannıň tanılğan mädäniyät häm sänğät’ êşlekleläre belän teatr artistları qatnaşaçaq. Çarada tamaşaçılar Därdmändneň bay icadi häm tormış yulı belän tanışaçaq.

Teatr muzeyında şağıyr’ häm êşmäkärneň şäxsi äyberlärennän, êş qorallarınnan, Därdmänd turındağı basma-yazmalardan tuplanğan kürgäzmä êşläyäçäk.

 

Nadir Däwlät Tatarstandağılarğa tatar tarixınıň alar aňlağan kebek bulmawın äytte”

“Tatar-inform” agentlığı Törkiyäneň Mimar Sinan universitetınıň tanılğan tatar ğalime, märxüm Nadir Däwlätne iskä aluın da xäbär itä:

“Wafafına ber yıl tulğanda Nadir Däwlätne iskä alu cıyını” digän oçraşuda törki dönyanıň tanılğan ğalimnäre çığış yasadı.

Şularnıň berse Yulay Şamiloğlu: “Nadir Däwlät timer pärdälär açılğan yıllarda Tatarstandağılarğa tatar tarixınıň alar aňlağan kebek bulmawın äytüçe keşelärneň berençese buldı,” - dip basım yasadı.

“Tatar-inform” agentlığı xäbärçese Ruşaniya Altaynıň başqa ber yazmasında isä tarix ğalime Nadir Däwlätneň wafat buluınıň ber yıllığında kabere yanında da doğalar uqıluı turında äytelä.

Bilgele bulğança, tarix professorı Nadir Däwlät 2021nçe yılnıň 30nçı mayında İstanbulda wafat buldı.



Bäyläneşle xäbärlär