Kübäläk üzänlege

Törkiyäneñ Ägäy töbägendä urnaşqan Kübäläk üzänlegendä 80nän artıq kübäläk töreneñ yäşäwen belä idegezme?

Kübäläk üzänlege - Muğlanıñ Fätxiyä rayonında urın aluçı tabiğıy xäzinä. 350 metr biyeklektäge qıyalar häm diñgez belän uratıp alınğan üzänlek dön’yadan izolyaŝiyada kebek. Cir östennän üzänlekkä yulnıñ bulmawı häm däwlät tarafınnan saqlağıç bulıp bilgelänüe dä üzänlekneñ bügengä qadär bozılmawına säbäpçe. Tirä-yaq moxitnıñ tiskäre täêsirlärennän saqlanğan töbäk bu üzençälege belän tabiğıy park bulıp tora. Kübäläk üzänlegendä 80nän artıq kübäläk töre yäşi. Alar arasında iñ taralğanı – Kaplan kübäläge. Kaplan kübäläkläre dön’yanıñ törle töbäklärendä kürelsä dä, alar barı tik Kübäläk üzänlegendä genä koloniya xälendä oça. Üzänlekneñ original’ geografiyasen naturalistlar yış räweştä laboratoriya şartlarında tikşerä häm tirä-yaq moxitnı saqlawçı oyışmalarnıñ iğtibarın cälep itä.

Tabiğat turizmınıñ Törkiyä häm dön’yadağı iñ yaxşı urınnarınnan berse bularaq kürsätelüçe Kübäläk üzänlegendä tabiğıy tormışnı saqlaw häm monı xuplayaçaq proyektlar çınğa aşıru maqsatı belän qorılğan qorılma bar. Bu qorılma biregä kilüçelärgä çatır häm ağaç öylärdä qunu mömkinlegen tudıra. Üzänlektä êkologik igençelek belän dä şöğıl’länüçe qorılma şul uq waqıtta çistartu, diñgez çistartu häm çista ênergiya mäs’älälärendä proyektlar da başqara. Här yıl 1nçe mart – 1nçe noyabr’ könnärendä xezmät kürsätüçe qorılmağa xäbär birmiçä üzänlektä qunıp bulmıy.