Pergament käğaze

     Nıq häm çıdam käğaz’ töre bulğan pergamentnıň Pergamonda uylap tabılğanın beläsezme?

Küngä yazunı uylap tapqan Pergamon patşalığında papirustan soň qullanu öçen tağın da uňaylı käğaz’ uylap tabalar häm ul pergament dip atala, yäğ’ni pergamon käğaze digänne aňlata.

     Bezneň êrağa qadär 2 nçe ğasırda Misır xakimiyäte papirus êksportın tıya. Şunnan soň mäğ’lümatlarnı saqlawğa häm kitaplar sanın arttıruğa zur ähämiyät birgän Pergamon patşalığı papirusqa al’ternativ yazu materialı tabarğa quşa. Ul çornıň kitapxanä mödire häm şul uq waqıtta ğalim häm ädäbiyätçı da bulğan Sardeslı Krates häm İrodikos patşağa käcä bätiye tiresen kipterep äzerlängän yazu materialı alıp kilälär. Pergamon kitapxanäse belän İskändäriyä kitapxanäse arasında iň küp kitapqa iyä bulu köräşe pergament uylap tabuğa kiterä. Pergament berençe tapqır êllinistik çorda Pergamonda yasalğanğa kürä böten tellärdäge ber ük törle “pergament” isemen bu şähärdän ala. Pergament yazu materialları tarixında borılış noqtası häm mädäni üseşneň töp adımnarınıň berse bula.