Ağrı tawı (Ararat)

Törkiyäneñ iñ biyek tawı Ağrınıñ (Ararat) dini legendağa kerüen belä idegezme?

5137 metr biyeklegendäge Ağrı tawı Böyek tufannan soñ Nuxnıñ köymäsen sıyındıruı säbäple legendar üzençälekkä iyä taw. İzge kitaplarğa kergän Ağrı tawınıñ törle tellärdä bik küp ataması bar.  Assiriyä telendä “tawlıq cirlek, yuğarı mämläkät” mäğ’näsenä iyä “Urartu” süze ivrit telendäge izge kitapqa yalğış äytü arqasında “Ararat” dip kerep qalğan.  Bügen bik küp däwlätlärdä Ağrı assiriyä nigezle älege atama belän bilgele.  

Nuxnıñ köymäseneñ Ağrıda tabıluına ışanu bik küp keşene bu tawğa menärgä êtärde. Marko Polo berwaqıtta da çığıp bulmayaçaq digän älege biyeklekkä täwge kütärelü 1829nçı yılda terkälgän. Anı professor Frederik fon Parat tormışqa aşıra. İkençe menü isä qışın häm berençesennän bik küp yıllar uzğannan soñ bula. 1970nçe yılnıñ 21nçe fevralendä Törkiyä al’pinizm federaśiyäseneñ êlekkege räise Bozkurt Ärgör tawnıñ oçına kütärelä. Ağrığa här yıl dön’yanıñ törle poçmağınnan meñnärçä al’pinist kilä.