Sincar qasabası

Ğıyraqnıñ tön’yağında Törkiyä häm Süriyäneñ kiseşü urınında urnaşqan Sincar qasabası soñğı könnärdä qabat kön tärtibendä.

Sincar töbäge “DEAŞ” belän köräş küreneşe astında “PKK” terror oyışması tarafınnan basıp alınğan häm oyışma isemennän Ğıyraq-Süriyä sızığında möhim logistik üzäk itep qullanılğan. Oyışmanıñ töbäktä buluı Törkiyä cähätennän isä citdi yanaw bularaq kürenä. Soñğı waqıtta oyışmanıñ töbäktän çistartıluı öçen möhim täräqqiyätlär dä yäşänä.

Ğıyraqta Törkiyä-Süriyä kiseşü urınında strategik ähämiyätkä iyä bulğan Sincar qasabası bik ozaq ber waqıt buyı Bağdat belän Ärbil arasında büleşelä alınmağan töbäk bularaq telgä alına ide. Töbäktä äzidlärneñ yäşäwe dönyanıñ da töbäkkä iğ’tibarın yünältä ide.

Fäqät 2014nçe yılda “DEAŞ” terror oyışmasınıñ töbäktäge äzidlärne tämek itep alıp ütereş ütkärüe, annan soñ yäşängän xaostan faydalanıp “PKK”nıñ töbäktä urnaşuı – Törkiyäneñ terrorçılıq belän köräş cähätennän dä töbäkne möhim qıla başladı. “PKK” terror oyışması häm töbäkneñ geografik torışınnan faydalanıp Ğıyraq-Süriyä sızığında möhim logistik märkäzne kontrole astına ala häm dä, töbäktä yäşäwçe äzidlärne qullarına qoral alırğa mäcbür itep, bu töbäkne üz mänfäğätlärenä xezmät itü öçen möhim mäydan itep kürä ide. Töbäktä kanton citäkçelegen qorırğa tırışıp, ber ük waqıtta äzidlärdän torğan qorallı YBŞ köçläre belän dä alğan xakimiyäten arttıru tırışlığına kerep kitä. Läkin başta IKBY Ğıyraq körd regional’ citäkçelegenä bäyle päşmärgälär belän köräş alıp barırğa mäcbür buldı. Soñınnan isä Törkiyäneñ ber-ber artlı oyıştırğan hawa xäräkätläre “PKK”nı töbäktä köçsezlätä başladı. Şulay uq Törkiyä küzläw oyışması MİT aşa töbäktäge “PKK” terror oyışması citäkçelären ber-ber artlı täêsirsez xälgä kiterä başladı.

Bu barışta äzidlärneñ dä zur külämdä “PKK”ğa qarşı buluı häm “PKK”nıñ töbäktän kitüe öçen basım yasıy başlawı kürende.

Axırda Törkiyäneñ taläpläre belän dä Bağdat häm Ärbil arasında “PKK” häm “Haşdi Şaabi” kebek qorallı êlementlarnıñ töbäktän tulısınça çığartıluı öçen kileşü tözelde. Ğıyraq üzäk armiyasınıñ töbäkkä kerüe belän “PKK”ğa bäyle köçlär qayber töbäklärdän çigende, läkin oyışma äle haman Sincar awıl cirlärendä êşçäñlegen alıp bara. Törkiyä Ğıyraq ğaskäreneñ töbäkne tulısınça kontrol’ astına aluı öçen qatğıy, härtörle yärdämgä açıq buluına da basım yasıy. Fäqät ägär qısqa waqıtta telängän adımnar yasalmasa ber yaqlı bularaq xäräkät ixtimalı da bar.

Axır çiktä Törkiyä cähätennän Sincarnıñ “PKK” terror oyışmasınnan arındırıluı – oyışmanıñ Ğıyraq-Süriyä sızığınıñ zur külämdä özelüe häm izolyaśiyälänelüe mäğnäsenä turı kilä. Törkiyä saqlanu ministrı Akarnıñ uzğan atnadağı Bağdat häm Ärbil säfären dä terrorçılıq belän köräş häm Sincar cähätennän qararğa kiräk.

Can Acun

SETA säyäsät, iq’tisad häm cämğiyät tikşerenüläre waqıfınıň tışqı säyäsät tikşerenüçese