Бу көннe нәрсәләр булгaн? / Bu könne närsälär bulğan?

Bügen 2020 nçe yılnıñ 20 nçe dekabre. Bu kön tarixqa nindi waqıyğalar belän kerep qalğan soñ?

1915 nçe yılnıñ älege könendä Çanakkalädä törek armiyäsenä ciñelgän ingliz anzak köçläre Anafartalar häm Arıburnu töbägennän çigenä. Berlektäş köçlärneñ 1916 nçı yılnıñ 9 nçı ğıynwarında Seddülbahir töbägennän dä çigenüennän soñ Çanakkalädä törek armiyäseneñ ciñüe iğ’lan itelä.

1942 nçe yılnıň 20 nçe dekabrendӓ Törkiyӓdӓ Tokatnıň Erbaa hӓm Niksar ilçӓlӓrendӓ 7 ball zurlığında cirtetrӓw bula. Cirtetrӓwdӓ yaqınça 3 meň keşeneň ğomere özelӓ, meňlӓgӓn bina zıyan kürӓ.

1987 nçe yılnıň 20 nçe dekabrendӓ “Dona Paz” yulçı köymӓse Filippinnarnıň Mindoro utrawı kiňleklӓrendӓ tanker belӓn bӓreleşӓ. Şartlawda hӓm annan soňğı yanğında 3 meňnӓn kübrӓk keşe ülӓ.

1989 nçı yılnıñ älege könendä Amerika Quşma Ştatları 25 meñ ğaskär belän Panamağa xärbi qatışu başqara häm diktator Manuêl’ Nor’eganı xakimiyättän töşerä.