Bu könne närsälär bulğan?

Bügen 2019 nçı yılnıñ 20 nçe dekabre. Bu kön tarixqa nindi waqıyğalar belän kerep qalğan soñ?

1522 nçe yılnıñ älege könendä Kanuni Soltan Söläyman komandirlığındağı Ğosmanlı armiyäse Rodosnı ciñep ala. Rodos, 11 utraw häm Bodrumnıñ Ğosmanlı däwlätenä quşıluı Urta diñgezdäge säwdä köymäläreneñ iminlege cähätennän zur ähämiyätkä iyä bula.  

Törkiyäneñ milli gimnı “Bäysezlek marşı”nıñ süzlären yazuçı, şağıyr’ häm fiker iyäse Mäxmät Akif Ärsoy 1873 nçe yılnıñ 20 nçe dekabrendä İstanbulda dönyağa kilä.

1915 nçe yılnıñ älege könendä Çanakkalädä törek armiyäsenä ciñelgän ingliz anzak köçläre Anafartalar häm Arıburnu töbägennän çigenä. Berlektäş köçlärneñ 1916 nçı yılnıñ 9 nçı ğıynwarında Seddülbahir töbägennän dä çigenüennän soñ Çanakkalädä törek armiyäseneñ ciñüe iğ’lan itelä.

Tanılğan amerikalı yazuçı Djon Steynbek 1968 nçe yılnıñ bu könendä wafat bula.

1970 nçe yılnıñ 20 nçe dekabrendä Pol’şada azıq-tölek bäyäläreneñ kütärelüenä rizasızlıq beldergän êşçelärgä ut açıla, yözlärçä keşe yaralana. Älege waqıyğadan soñ Kommunist partiya liderı Gomulka wazıyfasınnan kitärgä mäcbür bula.

1989 nçı yılnıñ älege könendä Amerika Quşma Ştatları 25 meñ ğaskär belän Panamağa xärbi qatışu başqara häm diktator Manuêl’ Nor’eganı xakimiyättän töşerä.