Bu könne närsälär bulğan?

Bügen 2019 nçı yılnıñ 25 nçe avgustı. Bu kön tarixqa nindi waqıyğalar belän kerep qalğan soñ?

1530 nçı yılnıñ 25 nçe avgustında Rusiyäneñ berençe patşası bulğan İvan 4 nçe Yawız dönyağa kilä.

1830 nçı yılnıñ älege könendä “Bel’giya inqıylabı” bularaq belengän Bel’giyäneñ Niderland patşalığınnan ayırılu barışı başlana.

1900 nçe yılnıñ 25 nçe avgustında tanılğan alman fälsäfäçe Fridrix Niśşe wafat bula.

1933 nçe yılnıñ bu könendä Qıtayda küzätelgän cirteträwdä 9 meñ keşeneñ ğomere özelä.

 1940 nçı yılnıñ 25 nçe avgustında İkençe bötendönya suğışında Germaniya oçqıçları Londonnı bombalıy başlıy.

 Şaxmat çempionı Garri Kasparov 1997 nçe yılnıñ 25 nçe avgustında “Deeper Blue 2” belän oçraşuda ciñelä.

2010 nçı yılnıñ 25 nçe avgustında Qıtayda 91 yulçısı bulğan oçqıç kilep töşä. Qazada 43 keşe hälaq bula, 53 keşe isän saw qotıla.

Ayğa täwge tapqır ayaq basqan Amerika astronavtı Nil Armstrong 2012 nçe yılnıñ älege könendä yaqtı dönyadan kitä.

2017 nçe yılnıñ 25 nçe avgustında Törkiyä teleradiokompaniyäse TRT diktorı Mäsut Märtcan mäñgelekkä küzlären yoma.