Törkiyädän Qazanğa sälam

3nçe-6nçı avgust könnärendä Tatarstan başqalası Qazanda Bötendönya tatar kongressınıñ 6nçı qorıltayı uzdı. Törki tatar dönyasınnan wäkillär cıyılğan xalıqara cıyında Tatarstan häm Rusiyä Federaśiyäsennän çittä yäşäwçe millättäşlärebez, şul isäptän Törkiyädän dä ildäşlärebez qatnaştı.

Kiläse yazmalarıbızda Törkiyä delegatlarınıñ fikerlären citkererbez. Bügenge yazmabızda isä Bötendönya tatar kongressı qarşındağı “Dönya” (Дөнья) studiyäsenä äñgämä birgän Änkaradağı Qazan mädäniyät häm yärdämläşü cämğiyäte (cämğıyäte) başlığı Fuat Tinişneñ fikerlären citkeräbez. Äñgämäne jurnalist Rimzil Wäliev alıp bara.

Bötendönya tatar kongressınıñ 6nçı qorıltayında Finlyandiyadan da tatarlar qatnaştı. Şularnıñ berse – tanılğan muzıkant häm cırçı Däniz Bädretdin Bötendönya tatar kongressı qarşındağı “Dönya” (Дөнья) studiyäsendä jurnalist Rimzil Wäliev sorawlarına cawap birde.

Tanılğan tatar ädibe, yazuçı häm dramaturg Rabit Batulla da Bötendönya tatar kongressı qarşındağı “Dönya” (Дөнья) studiyäse aşa dönya tatarlarına üz uy-fikerlären citkerde.

Äñgämälärne TAWIŞ uynatqıçınnan tıñlıy alasız.