Nogayşa 222: “Allah’ti oylav, em özine yalbaruv” (1)

Bîr alimdiñ Allah’tı 

Oylavları qasında, 

Em özine yalbargan

Sözleriniñ davamı,  

Nav aqıyqatlar bolgan:

 “Ey barı zarrelerdi

Yaratqan Quday’ımız! 

Em sosı zarrelermen

Yaratqanı maqluqlardıñ 

Baresiniñ tedbirini 

Körüp idare etken

Allah’ımız, Rabb’ımız! 

Barı sosı zarrelerden   

Etkenin isler qasında,

Yuvıq erek yıldızlardı, 

Peyklerimen barabar    

İdare eteberip,  

Barabarşa aylandırasın!

Zarrelerem yıldızlardı

Barabar yönetkenin,

Seniñ birligine ne darece

Quvvatlı bîrer şahit    

Bolganı körinipyatır...

Kökteki yıldızlardıñ    

Köteresi sanlarınca   

Yarıq körsetüvşi deliller,

So şayitlikti tuvralap 

Em tasdik etipyatır...

Em sosı tap taza, 

Temiz, yarasıq kökler, 

Neşe üyken, tezoq  yürgen

Jirimlerimen barı,  

Sankim köp düzenli  

Bîr orduga usapyatır...

Em alektirik lambalarıman 

Bezenip süslengen

Saltanat donanmasınday   

Şenliklerge oqşar  

Bîr keppen köringeni,

SeniñRablıgındıñ haşmetine, 

Är zatlardı yaratqan

Qudretindiñ ullılıgına,

Üyken delil bolıpyatır...

Tagı soñsız semavattı, 

Quşaqlagan küşinmen,

Em är bîr yan tasıgan

Neşe yanvar bar bolsa,

Sosınlardı rahmetindiñ

Quşagına alganın,

Rahmetindiñ soñsızlıgı, 

Tagı keñligine em

Küşli işaret bolupyatır...

Em barı köklerdeki,  

Maqluqlardıñ islerini, 

Em qaydey bolsa bolsun

Baresiniñ allerini,    

Uvusuna alganın,

Em baresini tüzetken

İlmindiñ är bîr zattı,  

Quşatuvşı bolganı;

Tagı hikmetiniñ är isti, 

Tögerinde ıslap 

Yerli yerinşe äş saspay

Är dayim aylandırganın,  

Äş şüphe bolmas keppen

Saga şayitlik etipyatır...

Em sosı şayitlikti, 

Körsetüvşi barı aller, 

Ol darece aşıq bolup

Körünüp turupyatır...

Misal bolsa yıldızlar, 

Şahit bolgan köklerdiñ   

Şayitlik sözleri,

Közben köringen, nurani  

Delilleri bolıpyatır...

Em semavat meydanında, 

Denizinde, aspanında,

Köklerinde yıldızlardıñ, 

İtaatkar askerler, 

Muntazam kemeler,

Harika tayyareler,

Acaib lambalar  

Kebindeki alleri,

Senin Qudaylıgındıñ    

Saltanat em azamatını, 

Barege körsetipyatır...

Em sosı ordudıñ 

Askerlerinden bîr yıldız  

Bolgan sosı Kuyaş’qa

Baylangan yıldızlarman,   

Dünyamızdıñ tagı  

Vazifelerine qaransa,

Sosı Kün’diñ arqadaşı 

Basqa neşe yıldızlardıñ 

Vazipeleri bolganına, 

Bîr keseginiñ tagı,    

Ahiret alemlerinde    

Vazipe körgenleri,

Aqılga kelipyatır...

Demek sosı yıldızlar,

Vazipesiz tuvıllar...

Belki bizge körinmegen  

Baqıy alemlerdiñ künleri

Bolup vazipe köripyatır... 

Ey Vacibü’l Vücud Haq,     

Ey Barlıgı KerekRab! 

Ey Vahid Ehad bolup   

Özi bîr bolgan Allah!

Sosı alamat yıldızlar, 

Barı künler, em aylar,

Senin mülkünde barı,

Em seniñ aspanında, 

Seniñ emrin, quvvatınman, 

Em seniñ idarenmen, 

Tagı tedbir idarenmen,

Munşa isti köripyatır....

Barı sosı yogarlarda 

Aylanıp turgan yıldızlar, 

Özlerini yaratqan,

Em aylandırganı qasında, 

Tagı idare qılgan

Bîr tek Yaratuvşı Allah’tı,

Tespih, tekbir etipyatır...

Yani allerinin tilimen 

Sübhanallah Allahüekber

Dep seni noqsanlıqtan 

Erek körgenleri qasında, 

Ullıgın, üykenligindi,    

Barabarşa söylepyatır...

Men tagı sosınlardıñ 

Barı tesbihatlarıman 

Seni takdis etermen...

Üyken ullı bolganındı,    

Alemlerge qışqırarman...  

Davamını keliyek yuma 

Aytaberiyek inşallah...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com