Nogayşa 200: Yaslarman habarlasuv (2)
Bîr üyken alimdiñ
Yaslarga bergeni
Bîr derstiñ davamı
Nav haqıyqatlar bolgan:
“Eger iyman, hayatqa
Hayat bolsa so vaqıt,
Em burungu, em keliyek
Zamanlar iymandıñ
Nurıman şavqlanıp
Tirilir em bar bolar...
Aynı azir zamanday
Ruhlarga em qalplerge
İyman noqtasında ullı,
Manevi zavqlarman
Tagı barlıq nurlarını,
Qaysı qalpke kirgen bolsa,
Sosı insanga berer...
Mine sosı aqıyqattıñ
Taga keñ, taga aşıq
Bolgan kebini men,
Qartlar üşün yazganım
Kitabımda aytqanman;
Kerek bolsa qarañız!
Mine hayat solay bolgan:
Eger hayattıñ nazzetini,
Tagı em zavqını,
Siz eger tileseniz,
Hayatınızdı iymanman
Tiriltip yaşatınız!
Parızlarman bezeniz!
Em künalerden tartınıp
So yaşavdı saqlanız!
Är kün, em är yerde,
Em är vaqıt ölgenlerdiñ
Körsetkeni dahşetli
Ölümdiñ aqıyqatını,
Basqa yaslarga aytqanımday
Bîr temsilmen aşıqlayman:
Misal bolsa nav yerde,
Közimizdiñ aldında,
Bîr asqaq tigilgen!
Onun qasında tagı,
Piyango ornı bolgan.
So piyangoda köp üyken
İqramiye bedeli
Biletler dagıtılgan...
Biz nav yerde on kisi,
Är ne alde bolsaq tagı,
İster istemez baremiz,
Äş basqa şara yoq,
Sosı yerge bîr vaqıt,
Mejbur şaqırılamız...
Tagı şaqırma zamanı,
Yasırın bolgan üşün,
Är daqıyqa ya ‘Kel,
İdam biletindi al,
Nav asqaqqa şıq;
Yade kel milyonlarşa
Altındı qazandırgan
Bîr iqramiye bileti
Saga şıqqan, kelip al!’
Degenlerin beklepyatırıp
Bîrden esikten eki adem
Kirip qasımızga kelgen...
Kelgenlerdiñ bîrevi,
Yarım yıplaq, em gözel,
Bîr aldatuvşı qısqayaq,
Qolında bal bar eken!
Tek sosı bal işine
Bîr quvatlı zeyir qosqan!
Ene sosı zeyirli
Baldı yedirmek üşün,
Til töküp baslagan!
Anavı adem bolsa,
Aldatpas em aldanmas,
Avırbaslı kisi eken...
So bikediñ artından
Kireberip so adem,
Nav sözlerdi söylegen:
Sizge bîr tılsım qasında,
Em bîr ders akeldim...
Eger sonı oqısanız,
Em tetlidi yemesseniz,
Asqaqtan qurtulıyaqsınız!
Em sosı tılsımmınan
Emsalsiz bîr iqramiye
Biletini alıyaqsınız!
Mine zaten nav asqaqqa
Közinizben köresiniz;
Sosı yerge barganlar,
Bal yegenler bolgan!
Em sosı ademler,
Nav asqaqqa şıqqaşe
Baldaqı zeyirminen
Köp qahşetli kepte
Qursaq sancısı tartqan;
Asqaqqa süytüp şıqqan!
Tek, üyken iqramiye
Biletini alganlar,
Onlar em körinmeydi,
Em tıstan qaraganda,
Sosınlar tagı em
Asqaqqa şıgadılar;
Tek sosınlardıñ asılmay
Yengilşe iqramiye
Ornına kirmek üşün
Nav asqaqtı basamaq
Etkenleri bilingen.
Em onlardıñ asılmay
Belki bilet ornına
Yengilşe kirmek üşün
Asqaqtı basamaq etkenini,
Bizlerge qabar bergen
Milyonlarşa şayit bolgan.
Mine terezelerden qarañız!
So islermen ugraşqan
En üyken memurlar,
Em so islerge qaragan
Üyken zatlar barı em,
Biyik davislermen är kimge
İlan etip qabar bergen:
‘So asqaqqa ketkenlerdi
Közinizben körgendey,
Nav iqramiye biletini
Tılsımcılar alganını,
Äş şüphege tüspey
Tuvra etip seniniz...’
Dep qabar bergenler...
Temsilminen aytılgan
Aqıyqatlar ne bolgan?
Nasip bolsa keliyek yuma
Aytuvdı Haq Quday,
Nasip qılar bizge dep
Umutlanıp senemiz...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com