İstanbul - dönyada iñ küp keşe kilgän şähär

Awrupa häm Aziyanı totaştıruçı megalopolis şähär İstanbul dönyada iñ küp keşe kilgän şähär buldı.

Bazar tikşerenü şirkäte “Euromonitor International” iğ’lan itkän bu abruylı isem İstanbulnıñ global’ turizm üzäge bularaq poziśiyäsen nığıttı.

Mulyadi Setiawan/turist:”Min Törkiyägä kildem, çönki zur telägem bar ide. İstanbul bik matur şähär.Binalar häm manzaralar iskitkeç, tağın bik küp maturlıqlar bar. İstanbul “İnstagram”da fotoräsem urtaqlaşuğa layıq arxitekturası,tarixı häm dönya standartlarındağı aş-suları  belän säyäxätçelärne üzenä cälep itä”,- dip soqlanuların citkerä.

İñ küp keşe kilgän şähärlär isemlegendä İstanbuldan soñ London ikençe urında, Dubay öçençe urında, Törkiyäneñ tağın ber şähäre Antaliya isä dürtençe urında.

Törkiyä mädäniyät häm turizm ministrlığı mäğ’lümatlarına qarağanda, 2023 nçe yılda turist sanı 10,4%qa artıp 49,21 millionğa citte.

Xalıqara aêroporttağı transfer üzäge beldergänçä, Törkiyädäge hawa mäydannarına kilgän yulçı sanı 2022 nçe yıl belän çağıştırğanda 25,4%qa arttı.

Sälamätlek saqlaw turizmı öçen kilgän turistlar sanı 2022 nçe yıl belän çağıştırğanda 88%qa arttı.

Törkiyä mädäniyät häm turizm ministrı Mäxmät Nuri Ärsoy:”Uzğan yıl turizmda 56,7 million keşe häm 54,3 milliard dollar belän Törkiyä tarixında iñ yaxşı kürsätkeçlärgä ireştek.Bez 2024 nçe yılğa ömet belän qarıybız. Bezneñ maqsat – 60 million turist häm 60 milliard dollar kerem”,- dip belderde.

Törkiyäneñ çit illärdän kilüçelär öçen viza prośessı ozın tügel. Çönki êlektron vizanı bik tiz alıp bula.

Tülay Kalyon Haznedaroğlu /TRT World : “İstanbul – iskitkeç şähär,

Ul 2023 nçe yılda dön’yada iñ küp keşe kilgän şähär buldı.

İstanbul annan êlekke yıl belän çağıştırğanda 26%qa artu belän  20 millionnan artıq turist qabul itte.

Törkiyäneñ viza taläplären ciñeläytü belän 2024 nçe yılda

tağın da kübräk qunaq qabul itüe kötelä.

“Tripadvisor” turistlarnıñ İstanbulğa yuğarı ball birep

şähärne biş yoldızlı urın dip bäyäläwen belderä.

Bu isä İstanbulnıñ berqayçan da populyarlığın yuğaltmawın  häm çiksez ênergiyäse belän biregä kilüçelärne üzenä tartıp tartıp toraçağın kürsätä".

Tülay Kalyon Haznedaroğlu/ TRT World