FIFA: 2026nçı yılğı Dön’ya çempionatı 3 ildä uzaçaq
Dön’yadağı iñ zur futbol turnirı täwge tapqır 3 ildä uynala
Xalıqara futbol federaśiyäläre berlege 2026nçı yılda 23nçe tapqır uzaçaq Dön’ya çempionatı qısalarındağı matçlarnıñ 3 ilgä bülenüen belderde. Alar - Kanada, Meksika häm Amerika Quşma Ştatları. Dön’yadağı iñ zur futbol turnirı täwge tapqır 3 ildä uynala.
39 kön däwam itäçäk yarışlarnıñ açılış matçı 11nçe iyün’dä Mexikodağı “Êstadio Aśteka” stadionında bulaçaq. Final isä 19nçı iyül’dä AQŞnıñ N’yu-Djersi töbägendäge “Met Layf” stadionında uzaçaq.
Turnirda 48 däwlät qatnaşaçaq. Matçlarnıñ ber öleşe AQŞnıñ N’yu-York, Dallas, Mayami, Kanzas, X’yuston, Atlanta, Los-Anjeles, Filadel’fiya, Siêtl, San-Franśisko häm Boston şähärlärendä urnaşqan 16 stadionda planlaştırıla. Meksikadağı matçlar isä Monterrey, Guadalaxara häm Mexiko qalalarında, Kanadadağılar - Vankuver häm Torontoda uzaçaq.
