Rimda törek käxwäsen tanıtu

5nçe dekabr’dä bulıp uzğan Bötendönya törek käxwäse köne uñayınnan İtaliyä başqalası Rimda älege xuş isle êçemlekne tanıtu çarası uzdı.

BMO mäğarif, fän häm mädäniyat oyışması (YUNESCO) 2013nçe yılda “Törek käxwäse kul’turası häm ğadätläre”n keşelekneñ matdi bulmağan mirası wäkillekle isemlegenä aldı. Şul säbäple 5nçe dekabr’ne törek käxwäse köne bularaq bilgeläp ütälär. Bu uñaydan Yunıs Ämrä institutınıñ Rimdağı mädäniyat üzägendä maxsus çara uzdı. Anda “Käxwä êçärgä kötäbez” şiğare belän köne buyı işeklärne açıq tottılar.  Qunaqlarnı käxwä häm lokum belän sıyladılar. Monnan tış, töreklärdä älege êçemlekne äzerläw ısulları häm üzençälekläre turında mäğ’lümat citkerelde.

Qunaqlar “Törek käxwäse” temasına töşerelgän fotoräsemnär kürgäzmäsen qaraw forsatına da iyä buldı.