“TRT World” tamaşaçılarına yaňa äsär täq’dim itä

 Soňğı waqıtta uňışlı êşläre belän iğ’tibarnı cälep itkän Törkiyäneň xalıqara xäbär kanalı “TRT World” tamaşaçılarına yaňa äsär täq’dim itä.

Tön’yaq Kipr Törek Cömhüriyäte oyışunıň 40 yıllığında 6 bülemnän torğan dokumental’ serial Kipr törek xalqınıň yäşäyeş häm bäysezlek xikäyäsen êkranğa çığara.

 “Bäysezlek yulı Kipr” (“The Forfront Cyprus” ) dip atalğan dokumental’ fil’m Kipr Tınıçlıq xäräkäteneň 50 yıllığın iskä alu yağınnan da zur ähämiyätkä iyä.

Dokumental’ fil’mnı äzerläw êtabında Tön’yaq Kipr Törek Cömhüriyäte häm Törkiyädä, şulay uq Angliya, Greŝiya ,Franŝiya, İspaniya häm Kön’yaq Kiprda da interv’yular ütkärelde, syujetlar töşerelde.  

Kipr törek qarşılıq kürsätüe başlanğan Äränkoydä dä moňa qadär bulmağan bik centekle aňlatmalarğa urın birelde.

 “TRT World” törkeme şulay uq Berläşkän Millätlär Oyışması kontrole astındağı bufer töbäktä dä interv’yular aldı.

Dokumental’ fil’m öçen yaqınça 50 keşe belän äňgämälär ütkärelde. Alar arasında säyäsätçelär, êlekkege däwlät başlıqları, ministrlar, diplomatlar, BMO häm Awrupa Berlegennän wäqalätlelär, tarixçılar, ğazıylar, möcahidlär, küp şahitlär bar.