“TRT World”qa “Emmy” (Эмми) büläge

Böten dönyadan meñnärçä äsär yarıştı, televideniye ölkäsendä iñ däräcäle büläkkä “TRT” layıq buldı.

Suğışnıñ cimergeç yöze iñ teträndergeç yağı belän kürsätelde, bäreleşlärneñ tınıç xalıq tormışında tudırğan fäläqät böten dönyağa añlatıldı.

“TRT World” tarafınnan äzerlängän premiyalı dokumental’ seriyası "Off the Grid"nıñ Ukrainada töşergän "Ukraine Wartime Diaries" (Ukrainanıñ suğış köndälekläre) bülege xalıqara uñışqa ireşte.

“TRT World”nıñ dokumental’ fil’mı Xalıqara televideniye sänğätläre häm belemnäre akademiyası tarafınnan birelgän Xalıqara Êmmi (Эмми) premiyalarınıñ “Xäbär häm könüzäk waqıyğalar” nominaśiyäsendä (номинациясендә) meñnärçä äsär arasınnan büläkkä layıq buldı.

AQŞnıñ N’yu-York (Нью-Йорк) qalasında oyıştırılğan tantanada büläkne dokumental' fil’mnıñ prodyusserları Mouhssine Ennaimi häm Alexandre Pauliat aldı.

TRT Ğomum mödir urınbasarı Ömär Faruk Tanrıvärdi yäşängän ğorurlıq belän “TRT Xäbär” êkrannarınnan urtaqlaştı: "Älbättä, ğorurlanabız, bez bik şat. Bez alğan şuşı büläk “TRT World”nıñ xalıqara xäbärçelektä häm jurnalistikada ireşkän däräcäneñ dälile. “Off The Grid” törkeme belän bergä üz öleşen kertkän böten iptäşlärebezne qotlıym”, - dide.

“TRT World” kanal koordinatorı Bora Bayraqtar bu uñışnıñ möhimlegenä basım yasadı: "Bu büläk bar närsädän êlek “TRT World”nıñ, “TRT”neñ, teleradiokompaniyabıznıñ ni qadär uñışlı buluın, xalıqara standartlarda tapşırular alıp baruın, xalıqara standartlarda jurnalistikanı başqaruın kürsätte. Amerikada televideniye êşçänlegeneñ iñ zur büläge bu. Berençe tapqır törek dokumental’ fil’mı şuşı büläkne yawladı. Bu nisbättän bez bik ğorurlanabız”.

Dokumental’ fil’mnı äzerlägän Mouhssine Ennaimi toyğıların “TRT Xäbär”gä añlattı: "Bu dokumental’ fil’mnı äzerlärgä bulğaç bu ciñel bulmadı. Çönki bik küp awırlıq häm qurqınıç bar ide. Nindi xäbärdarlıq yasayaçağıbıznı, älegä äytelmägän nindi äyberne äytäçägebezne dä belmi idek. Üzebezne bağışladıq, därtlänep, täwäkkällek belän êşläwebezneñ äceren bügen şuşı büläk belän aldık".

Prodyusserlardan Alexandre Pauilat fil’m öçen böten törkemneñ zur sabırlıq häm fidaqärlek (фидакарьлек) belän êşläwenä basım yasadı: "İñ matur süzlärne çağıldırırğa, iñ yaxşı sürätlärne montajlarğa tırıştıq häm bu jyuriga häm xalıqqa ireşte, dip uylıym".

Dokumental’ fil’mda Rusiyä-Ukraina suğışında tınıç xalıqnıñ yäşägännäre añlatıldı.

Rusiyä armiyası çigengännän soñ Ukrainadağı tınıç xalıq tormışındağı üzgäreşlär êkranğa kiterelde.