Veneśiyäneñ turistlardan 5 yevro aluı kön üzägendä

İtaliyäneñ Veneśiyä şähärendä turistlarnıñ küplegen kontrol’dä totu öçen kilüçelärdän köndälek 5 yevro tüläw taläp itü kön üzägendä. Qalanıñ muniśipalitet şurası äğ’zası Simone Venturini älege yañalıqnı kiläse yıl turist sanı iñ yuğarı noqtağa citkän çorda sınap qarayaçaqların äytte.

“Veneśiyä Awrupanıñ iñ küp turist kilüçe şähärläreneñ berse häm çiktän tış küp keşedän zıyan kürä,”-di ul.  

Planğa qarağanda, 14 yäşennän ölkän barlıq kilüçelärneñ şähärgä kerü öçen tüläwe häm aldan bron’laştırıp quyuı kiräk bulaçaq.

7,6 çaqrım ozınlığındağı şähär 2019nçı yılda 13 million turistnı qabul itkän ide.

Bu yılnıñ başında UNESCO Veneśiyäne qurqınıç astındağı dön’ya mirası isemlegenä östäw kiräklegen belderde.

2021nçe yılda isä ber korabnıñ portqa bärelüennän soñ zur kruiz laynerlarınıñ Djudekka kanalı aşa şähärneñ tarixi üzägenä kerüe tıyıldı.