Çıñğız Aytmatov Xalıqara Isık kül (Эссе күл) forumı
Dön’yaküläm tanılğan qırğız yazuçısı Çıñğız Aytmatov nigezen salğan Xalıqara Isık kül (Эссе күл) forumınıñ 5nçese Törkiyä belän Azärbaycanda cıyılaçaq
Forum wäkillegennän yasalğan yazmaça belderüdä Mädäniyät häm turizm ministrlığı ximayäsendä "”Könçığış belän Könbatış arasında Anadolu mädäniyät proyıktları” qısalarında oyıştırılaçaq forumnıñ Qırğızstan İlbaşı idaräse, Törkiyä Cömhüriyäte Mädäniyät häm turizm ministrlığı belän bäyle oyışmaları häm çit il wäkilçelekläre, Änkara gumanitar fännär universitetı, Çıñğız Aytmatov xalıqara Isık kül cämğıyäte häm Qırğızstannıñ Änkara ilçelegeneñ xezmättäşlege belän uzdırılaçağı citkerelde.
Belderüdä Milli mäğarif ministrlığı, Moxitnı saqlaw, şähär tözeleşe häm klimat üzgäreşläre ministrlığı belän TÜRKSOYnıñ da bulışlıq itüe äytelgän 5nçe Çıñğız Aytmatov Xalıqara Isık kül forumında "Törki dönyada urtaq qıymmätlär aşa milli mäğarif, regional’ iq’tisadi häm mädäni xezmättäşlek belän Turizm häm êkologiya problemalarına çişeleş êzlänüläre, Global’ sistemada kiläçäkne küzallaw” temaları da qaralaçaq.
Açılış programmasınıñ 12nçe dekabr’dä Änkarada, utırışlarınıñ da 2024nçe yılnıñ 8nçe-9nçı iyün’ könnärendä Baqıda ütkäreläçäge belderelgän forumnıñ törki däwlätlär, çit illärdäge tuğandaş cämğıyätläre häm töbäk illäreneñ qatnaşuında ike ildä dä küp millätle häm küp utırışlı bularaq uzdırılaçağı iskärtelep uzıldı.
