Qıytğalarara yözü yarışı İstanbulda ütkärelde
Törkiyä milli olimpiada komitetı tarafınnan bıyıl 35nçese oyıştırılğan Samsung Bosfor qıytğalarara yözü yarışı İstanbulda uzdı
2026910
Kanlıca pristanennän Yäş’lär häm sport ministrı Osman Aşkın Bak başlatıp cibärgän yarış Kuruçäşmädä tämamlandı. 70tän artıq ildän 2 meñ 600dän kübräk sportçı 6,5 çaqrımlıq ozınlıqta yarıştı. Çarada Niderlandnıñ Änkara tulı wäqalätle ilçese Joep Wijnands ta yözde.
Yarışnıñ irlär ğomum kategoriyäsendä 41 minut 22 sekunda belän Doğukan Ulaç berençe buldı. Käräm Hoşgör 43 minut 31 sekunda belän ikençe, Halil Şänsoy 43 minut 44 sekunda belän yarışnı öçençe bulıp tämamladı.
Burcunaz Narin isä xatın-qızlar ğomum kategoriyäsendä 42 minut 54 sekunda belän berençelekne yawlağan bulsa, Hilal Zäynäb Saraç 43 minut 59 sekunda belän ikençe, Ada Liza Çälik tä 44 minut 17 sekunda belän öçençe buldı.
