Antaliyağa iñ küp turist qaysı ildän kilgän?

Dön’yanıñ dürt ber yağınnan turist cälep itüçe şähärdäge turizm aktivlığı arta bara.

Mädäniyät häm turizm vilayät mödirlegennän yasalğan belderügä kürä, 1nçe ğıynwar-31nçe iyül’ çorında Antaliyağa hawa yulı belän kilgän çit il turistları sanı 8 million 184 meñ 89 bularaq terkälde. Bu turist sanı böten waqıtlarnıñ iñ yaxşı 7 aylıq çorı bularaq tarixqa kerde.

Uzğan yılnıñ şuşı uq aylarında 6 million 688 meñ 513 turistnı qabul itkän şähärdä bıyılğı turist sanı 22%qa artqan.

İñ küp turist cibärgän illär isemlegendä isä 1 million 853 meñ 879 turist belän Rusiyä berençe buldı. Rusiyädän soñ 1 million 638 meñ 603 turist belän Germaniya, 716 meñ 991 keşe belän Angliya kilä. Berençe unlıqqa isä Pol’şa, Niderland, Qazaqstan, Rumıniya, İzrail, Çexiya häm Ukraina kerde.

İyül’ ayında şähärgä hawa yulı belän 2 million 660 meñ 420 keşe kilde. Turist sanı uzğan yılğa qarağanda 11%qa artqan. Antaliya qalası hawa yulı belän kilgän turist sanı yağınnan böten waqıtlarnıñ iñ yaxşı iyül’ ayı sannarına ireşte.